Колумбиската војска го убила денеска Хорхе Брисено, втор човек во Револуционерните оружени сили на Колумбија (ФАРК), со што на бунтовничката војска и е зададен најтежок удар, оценуваат властите во Богота

Смртта на Хорхе Брисено е најсериозна загуба за левичарскиот FARC, последна поголема бунтовничка војска на јужната хемисфера, откако во средината на 2008. година беше убиен нејзиниот „министер за надворешни работи“ Раул Рејс, при ослободувањето на 15 заложници. Претседателот на Колумбија Хуан Мануел Сантос изјави пред новинарите во Њујорк дека ликвидацијата на Брисено е дури поважна од бомбашката акција преку границата со Еквадор, кога беше убиен Рејс.Ви јули беше убиен Хаиме Мануел Лара Хернандез, кој беше сметан за водач на герилците на FARC во провинцијата Боливар.Вооружената формација FARC (Fuerzas Armadas Revolucionarias de Colombia),  како и другите помали екстремни организации во Колумбија, се финансира од продажби на кокаин, a e формирана во 1964 г. од страна на Комунистичката партија на Колумбија. Тие поведоа војна за воспоставување на „Нова Колумбија“ или „општество на социјална справедливост и еднаквост“. Таа е ставена на списокот на САд и на Европската Унија како една од терористичките органзиации. Аналитичарите велат дека досега најмоќната бунтовничка организација во Колумбија од 2002 г. претрпува силни порази од владините сили, а во последно време се забележани масовно дезертирање од нејзините редови, па бројката нејзини борци во моментов се проценува до седум илајди.Успехот во борбата против оваа пaравојска  му се припишува на проанешнито претседател Урибе, чиј татко во 1983 г. беше киднапиран и убиен од оваа организација. Урибе го сметаат за херој во Колумбија, бидејќи им нанесе големи загуби на бунтовници и  притоа привлече странски инвестиции во земјата, која со децении е поделена од граѓанска војна. Неговата политика добива значителна поддршка во воена помош и парични средства од САД.