Спротивставените палестински фракции Хамас и Фатах соопштија дека се договориле за чекорите кои ќе се преземат за да се завршат внатрепалестинските поделби и да се подели власта, но до конечното потпишување на договорот во Каиро ќе има уште преговори

Двете фракции беа жестоко спротивставени откако борците на Хамас насилно ја преземаа контролата врз Појасот Газа во 2007 година, по што претседателот на палестинските автономни области го контролира само Западниот брег. Помирувањето помеѓу нив е важно затоа што на Палестинците им е потребно заедништво при новите мировни преговори со Израел. Милитантите од Хамас му се спротивставуваат на каков и да е договор со Израел и се заканија дека ќе ги попречат преговорите со бран од насилство. До договорот дојде по четиричасовната средба во престолнинатга на Сирија, Дамаск, меѓу делегациите на Хамас, предводени од лидерот Калед Машаал и високиот функционер на Хамас, Азам ал-Ахмад, пишува Assocaited Press. Во заедничкото соопштение објавено по разговорите се вели дека двете страни постигнале разбирање за „најголемиот дел од точките кои ги разделуваа“, без да се дадат детаљи. Главни точки на раздор меѓу фракциите беа контролата на палестинските безбедносни сили и датум на одржување на парламентарните и претседателските избори.