САД во неделата го осудија обидот за воздушен напад на Ријад за време на викендот и рекоа дека секој што ќе се обиде да ја наруши стабилноста на кралството ќе одговара, пренесува „Араб њуз“.

„Се чини дека цел на нападот во главниот град на Саудиска Арабија во саботата, кој беше спречен од воздушната одбрана, беа цивили“, рече Стејт департментот.

The U.S. strongly condemns the latest attack in Saudi Arabia. Such attacks violate international law and undermine regional peace. As we work to reduce tensions, including by bringing an end to the war in Yemen, we will also help Saudi Arabia defend itself.https://t.co/BYCVv7oTQ7

— Ned Price (@statedeptspox) January 24, 2021

„Ваквите напади се во спротивност со меѓународното право и ги поткопуваат сите напори за унапредување на мирот и стабилноста. Додека работиме на деескалација на тензиите во регионот преку принципиелна дипломатија, вклучително и со ставање крај на војната во Јемен, исто така ќе му помогнеме на нашиот партнер Саудиска Арабија да се одбрани од нападите на нејзината територија.

Велика Британија исто така го осуди нападот, со кој беше нарушен регионалниот мир.

„Силно ги осудуваме овие напади и стоиме покрај нашите саудиски партнери“, рече министерот за надворешни работи, Доминик Рааб.

Yesterday’s attempted aerial attacks on Riyadh, which threatened loss of life, are deeply concerning. We strongly condemn these attacks, and we stand by our Saudi partners

— Dominic Raab (@DominicRaab) January 24, 2021

Нападот се случи неколку дена откако САД ги означија милициите на Хутите во Јемен, поддржани од Иран, како странска терористичка организација. Јеменците во неделата почнаа кампања на социјалните медиуми за да ги истакнат злосторствата на Хутите и да ги убедат другите земји да го следат примерот на САД.

Десетици јеменски новинари, активисти за човекови права, интелектуалци и официјални лица ги осудија злоупотребите на човековите права на Хутите, користејќи го хаштагот #HouthiTerrorismInYemen, и споделија фотографии и видеа кои покажуваат како Хутите ги разнесуваат куќите на своите противници.

„Хутите водеа бројни војни против цивилите. Дури и сега, тие сè уште ги напаѓаат Таиз, Мареб, Ал-Бајда, итн. Тие инсистираат на власт врз Јеменците, заснована врз теоријата за божественото право на владеење, идеологијата што Западот ја отфрли пред многу векови “, рече активистот Мохамед Абдулах Касем.

Индонезија соопшти во неделата дека нејзината крајбрежна стража ги запленила танкерот „МТ хорс“, кој пловел под знаме на Иран, и панамскиот танкер „МТ Фреја“ поради сомневање за нелегално пренесување гориво, пренесува „Ројтерс“.

Во соопштението на портпаролот на крајбрежната стража, Висно Прамандита, се вели дека танкерите, запленети во водите крај провинцијата Калимантан, биле придружени до островот Батам, во провинцијата Ријау Ајленд, за понатамошна истрага.

„Танкерите, откриени во 5:30 часот наутро по локално време, го криеја својот идентитет не покажувајќи ги своите национални знамиња, исклучувајќи ги системите за автоматска идентификација и не одговарајќи на радио повиците“, се вели во соопштението. „Имаше и излевање нафта околу ‘МТ Фреја’“.

Меѓународната поморска организација бара од пловните објекти да користат транспондери за безбедност и за транспарентност. Екипите можат да ги исклучат уредите ако постои опасност од пирати или слични опасности, но транспондерите честопати се исклучуваат за да се сокрие локацијата на бродот за време на недозволени активности.

Иран, кој не ја коментираше заплената, е обвинет за прикривање на целта на продажбата на нафта со оневозможување на системите за следење на неговите цистерни, што ја отежнува проценката на извозот на сурова нафта на Техеран, кој се спротивставува на санкциите од САД.

Во 2018 година, поранешниот претседател Доналд Трамп го повлече Вашингтон од иранскиот нуклеарен договор и повторно воведе санкции за Иран со цел извозот на нафта во Техеран да се сведе на нула. Иран минатата година го испрати „MT хорс“ во Венецуела за да испорача 2,1 милиони барели ирански кондензат.

Во упатството за вакцината „спутник V“ не е наведено дека нејзината употреба е забранета кај пациенти заболени од карцином, изјави директорот на центарот „Гамалеја“, Александар Гинцбург, пренесува за „Спутник“.

Само е наведено дека треба да се користи со претпазливост кај оваа група на пациенти по консултација со лекар. Ова не е поврзано со безбедносните прашања на вакцината ‘спутник V’, туку со фактот дека онколошките пациенти имаат разни третмани со хемотерапија, кои вклучуваат употреба на цитостатици, што може да ја намали имунолошката функција“, објасни Гинцбург.

Според него, употребата на вакцината „спутник V“ не може да предизвика рак, бидејќи се базира на докажана и добро проучена платформа за човечки аденовирус, за разлика од голем број други препарати засновани на аденовирус на шимпанза и РНК-платформа, чии долгорочни ефекти не се проучени.