Свет
Тридневен руско-кинески состанок на врвот
Рускиот претседател Дмитриј Медведев во недела наутро допатувал во Кина каде ќе престојува в тридневна ифицијална посета, објавија државните агенции на двете држави
Како што пренесува кинеската агенција Синхуа, рускиот претседател Дмитриј Медведев пристигнал во пристанишниот град Далиан на североситок од Кина, а во во блискиот град Лушун поранешен Порт Артур треба да ги посети гробиштата на руските војници кои загинале во Руско-јапонската војна од 1904 г. „Нашите земји имаат многу блиски односи, оттаму многу подобро ќе биде Кинезите да научат руски, а Русите кинески јазик, така многу подобри и подлабоки ќе бидат нашите врски“, изјавил рускиот претседател за време на неговата посета на катедрата за руски јазик во Институтот за странски јазици Далиан.Во понеделник Медведев ќе се сретне со највисокото кинеско раководство, претседателот Ху Џинтао и премиерот Вен Џибао, а во вторник ќе ја посети Светската изложба Експо во Шангај,Според најавите од кабинетот на рускиот претседател, Медведев со кинеското раководство треба да разговара за ставовите на двете земји по неколку важни меѓународни теми, меѓу кои посебно ќе се задржи на контроверзните нуклеарни програми на Северна Кореја и на Иран. Фокусот на билатералните разговори, ќе биде ставен во сферата на енергетиката, пишува РИА Новости.Медведев и Џiнато исто така ќе присуствуваат и на церемонијата започнување на кинеската секција од нафтоводот Источен Сибир – Пацифик, која се протега од градот Сковородино во рускиот регион Амур, до градот Дакинг во североисточната кинеска провинција Хеилонџијанг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

