Ким Јонг-Ун, најмладиот син на севернокорејскиот комунистички диктатор Ким Јонг-Ил кој заради нарушеното здравје подготвува свој наследник, во вторник навечер е именуван на највисоките функции во Корејската работничка партија

Како што пренесува AFP цитирајќи соопштенија на државната севернокорејска новинска агенција KCNA, Ким Јонг-Ун е именуван за член на Централниот комитет на единствената партија во земјата и претседател на нејзината Централна воена комисија.Раководството на севернокорејската комунистичка партија со официјален назив Работничка партија,  во вторникот во Пјонгјанг го почна одржувањето на својот прв конгрес во последните 30 години, на кој треба да се направат подготовки за изборот на наследникот на болниот единствен лидер 68-годишниот Ким Јонг-Ил. Како што сметаат западните стручњаци потпирајќи се на разузнавачки информации и на анализа на малкуте снимки од Јонг-Ил во јавноста последните години, тој во август 2008 г. преживеал мозочен удар, иако тоа никогаш не е официјално потврдено.Во понеделникот 27-годишниот Ким Јонг-Ун кој е школуван во Швајцарија беше произведен во генерал со четири ѕвездички, што според аналитичарите само го потврдува неговиот  статус на најверојатен наследник. При ова унапредување во чинот, името на Јонг-Ун првпат беше спомнато во севернокорејските медиуми. Инаку на самиот почетокот од партискиот конгрес Ким Јонг-Ил повтрно е избран за генерален секретар на Работничката партија, што било проследено со френетични долготрајни ракоплескања што ги пренесувала дрѓавнаат севернокорејска телевизија, пренесува јужнокорејската агенција Yonhap.Во понеделникот генералски чин со четири ѕвездички и’ беше произведен и на сестрата на диктаторот Јонг-Ил, Ким Кјонг-Хуи, потврди во вторникот државанат агенција KCNA. Шеесет ичетири-годишната Кјонг-Хуи е сопруга на Јанг Сонг-Таек, кого го сметаат за втор човек на комунистичкиот севернокорејски режим, по Јонг-Ил.