Осум полицајци се здобиле со повреди и контузии во експлозија која во среда навечер одекнала во северокавкаската република Дагестан, изјавил за РИА Новости претставник на републичкото министерство за внатрешни работи

„Како резултат од експлозијата на патот меѓу Каспиское и аеродромот со лесни повреди и контузии се здобиле осум припадници на полицијата. Во текот на ноќта се срповедува истражна постапка на местот од инцидентот“, изјавил соговорникот на агенцијата. Како што јавува агенцијата Интерфакс, полицискиот автомобил налетал на поставена мина, но оваа информација не е потврдена. Претходно во средата десет исламистички екстремисти беа убиени во реонот на Каспиское, откако полициски сили ги опколиле во еден стан, во којшто биле скриени.Во друга полицска акција денеска во главниот град на немирната кавкаска република Махачкале, беа убиени уште петмина екстремисти. Меѓу овие 15 ликвидирани екстремисти четворица биле барани со федерални потерници за терористички напади, пишува ИТАР-ТАСС повикувајќи се на извори од Националниот антитерористички комитет. Тие биле поврзани со претходно ликвидираниот таканаречениот доктор  Мухамад кој бил претставник на Ал Каеда за Северен Кавказ и со ликвидираниот во август годинава Магомед Багаилов, кој својата борбена обука ја добил во Пакистан.