Свет
Отпуштен Глодурот на најголемиот египетски опозициски весник

Главниот и одговорен уредник на најголемиот независен весник во Египет, Ал-Dustour, познат по својата остра критика на режимот, Ибрахим Иса бил отпуштен откако одбил да се отстрани статијата на влијателен претставник на опозицијата
Според светските агнеции, кои се повикуваат на пишувањата на египетските медиуми во вторник, станува збор за статија на поранешниот прв човек на Меѓунароната агенција за атомска енергија (IAEA), Мохамед ел-Барадеј.Според изјавата на самиот Ибрахим Иса, тој за отказот бил информиран доцна навечер во понеделникот, а ноќта кон вторник од редакциските канцеларии на весникот Ad Dustоur бил запленети компјутери на новинарите што го стави под знак прашање печатењето на следниот број на весникот.„Подоцна, трети лица ми објаснија дека сопствениците на весникот биле крајно незадоволни со објавувањете на статијата на Мохамед ел-Барадеј по повод 37-годишнината од арапско-израелската војна од октомври 1973“, изјавил Иса за египетските медиуми.Во втоrник новинарите од интернет изданието на Ad-Dustour, соопштиле дека нема да објавуваат вести во знак на протест против разрешувањето на главниот и одговорен уредник.Пред неколку месеци Ad-Dustour беше преземен од страна на двајца партнери, од кои едниот е лидер на либералната опозициска партија Вафд, Сејид Бадави. Партијата Вафд инаку во египетскиот парламент иам само неколку пратеници а неодамна тие јавно одбија да се приклучат на бојкотот на претстојните парламентарни избори што треба да се одржат во ноември 2010, на што повика и ел-Барадеј кој бара радикални демократска трансформација на Египет.Мохамед Иса е истакната личност на египетското новианрство, во 2008 г. беше осуден на шест месеци затвор за ширење наводно лажни инфромации за здравјето на египетскиот претседател Хосни Мубарак. Тој потоа беше помилуван лично од претседателот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.