Израелскиот премиер Венјамин Нетанјаху наскоро ќе се вози во најскапиот автомобил во Израел, блиндирана лимузина Ауди А8 вредна милион долари.

Израелскиот премиер Венјамин Нетанјаху наскоро ќе се вози во најскапиот автомобил во Израел, блиндирана лимузина Ауди А8 вредна милион долари.

Возилото ги има сите можни безбедносни елементи, нудејќи и луксуз на оние кои се возат во неа , јавија денеска израелските медиуми.

Блиндираната верзија на лимузината Ауди А8 се произведува исклучиво за претседатели и премиери, а имајќи во предвид дека чини речиси милион долари е еден од најскапите автомобили во светот. Ауди А8 во кое ќе се вози Нетанјаху опремен е со посебен и единствен сигурносен пакет, кој е осмислен во соработка со израелската тајна служба Шин Бет.

Иако сигурносните перформанси на овој автомобил се тајност, во астрономската цена се вклучени меѓу другото, гуми отпорни на куршуми, кров отпорен на куршуми и бомби и систем кој автоматски гаси пожар.

Поради сето тоа, автомобилот е тежок речиси три тона. Го има и еден од најсилните мотори на тој модел на Ауди. W12 верзија со 12 цилиндри, шест литарски мотор, 450 коњски сили и погон на сите четири тркала.

Но сигурносниот систем не е се што овој автомобил го нуди. Службениот автомобил на израелскиот премиер е многу луксузен – поседува меѓу другото посебни седишта со греење и масажа, внатрешноста е обложена во кожа, има голем ДВД екран, фрижидер и освежувач на воздухот.

Израелската влада порача уште два вакви автомобили.крај/хина/кс.