Кандидатката на владејачката бразилска Работничка партија, Дилма Русеф победи во вториот круг на претседателските избори со што стана првата жена претседател во историјата на Бразил, соопшти државната изборна комисија

По преброените 95 отсто од гласовите, поранешната советничка и шеф на кабинетот на претседателот Луиз Инасио да Силва, во полза на 63-годишната Дилма Вана Русеф биле 55,6 отсто од гласовите на бразилските избирачи кои излегоа на изборите во неделата. Најзиниот против-кандидат од редовите на социјалдемократите (PSDB), поранешниот градоначалник на бразилската метропола Сао Паоло, 68-годишниот Хосе Сера освоил 44,4 отсто од гласовите. Во предизборието и двајцата кандидати го истакнуваа своето револуционерно минато како активисти во урбаната герила против бразилската воена диктатура во периодот од 1964. до 1985 г.. Русеф која и минал извесен период во герилски камп за обука, за таа активност била осудена на тригодишен затвор каде била мачена. Заради нејзината нескршлива волја, го преброди и канцерот на дојката, беше наречена „бразилската челична леди“. Сера, пак, кој бил отворен противник и критичар на тогашниот режим, морал да мине повеќе години во егзил. Русев во првиот круг од изборите на 3-ти октомври освои 47 отсто од гласовите, а Сера 33 проценти.