Полициските единици за отстранување бомби се испратени во фабрика во Велс, која произведува вакцини против коронавирус за „Астра Зенека“, пренесуваат светските медиуми.

Според британските медиуми, во фабриката пристигнал сомнителен пакет.

„Примен е сомнителен пакет, по што ги известивме надлежните органи. По нивен совет, дел од објектот беше евакуиран. Истрагата е во тек“, изјавија од фабриката.

Засега нема информации за можни жртви.

Road closed off and factory sealed off. pic.twitter.com/3hSnnUgS0s

— ian hunter (@ian_hunter9) January 27, 2021

Џон Роберт, сопственик на компанија лоцирана во близина на фабриката, тврди дека слушнал силен тресок околу 11:35 часот по локално време.

„Тројцата разговаравме кога слушнавме силна експлозија или тресок. Излегов надвор, не можев да видам ништо. Погледнав на друга страна и видов двајца мажи на покривот. По тоа, полицијата дојде и ги блокираше патиштата и ги претресе грмушките“, вели Роберт.
Неговиот син Марк рече дека полицијата ги затворила патиштата и дека слушнале дека таму има тим за отстранување бомби.

„Тие се тука околу еден час или нешто повеќе“, рече Марк.

Major Incident at Wockhardt, Wxm Ind Est, road closed @wrexham pic.twitter.com/cRfDYFX4wV

— Pauline Salisbury (@PaulSalisbury15) January 27, 2021

Би-би-си наведува дека полицијата поставила кордон во близина на фабриката и патиштата биле затворени, а органите за спроведување на законот апелирале до граѓаните да ја избегнуваат таа локација.

Гувернерот на германската сојузна држава Тирингија, Бодо Рамелов, се извини затоа што германската канцеларка ја нарекол „малата Меркел“ за време на неодамнешниот видеоразговор и ненамерно покажал „мачо“ однесување.

Во денешниот број, дневниот весник „Ди цајт“ наведува дека Рамелов рекол дека деминутивот требало да го користи за политичари.

„Наместо тоа, јас зборував за жена. Тоа беше глупаво и звучеше навредливо“, рече Рамелов и истакна дека тој лично и се извинил на канцеларката, пренесува АП.

Покрај тоа, локалните медиуми посочија дека Рамелов за време на состанокот играл игра „кенди краш“ на телефон.

„Многу луѓе играат шах или судоку, јас играм ’кенди краш’“, рече тој.

Жена од Кина е осудена на една година затвор за прикривање на симптомите на коронавирусот пред да се качи во авион на меѓународен лет.

Според „Глобал тајмс“, 37-годишната жена во март минатата година зела лекови за да ја намали температурата и да ги прикрие симптомите на коронавирус, пред да се качи на летот од САД кон Кина.

Симптомите ги открила дури откако слетала во Пекинг, кога направила тест кој покажал дека е позитивна на коровавирус, а поради неа 63 лица биле ставени во карантин.

Во октомври минатата година Народниот суд во Пекинг го оцени нејзиното однесување како кршење на кинеските правила и оцени дека таа претставувала сериозен ризик од ширење на вирусот.

Жената е осудена на една година затвор и една година условна казна за кривично дело попречување на превенција на заразни болести.