Илјадници демонстранти во Техеран ја одбележаа 31-годишнината од заземањето на американската амбасада во Техеран,  демонстрирајќи пред зградата каде некогаш се наоѓала Амбасадата, со повици и транспарентни „Смрт за Америка“ и „Смрт за Израел“, јавува Хина.

Исламски студенти на 4 ноември 1979 година ја зазедоа американската амбасада во Техеран и дипломатите ги држеа во заложништво 444 денови. Дипломатските односи меѓу Техеран и Вашингтон, од тогаш се во прекин.

Секоја година на 4 ноември се организираат протести во Техеран на местото на случувањето. Во говорот пред демонстрантите, ајатолахот Али Хаменеи повторно го оправда заземањето на Амбасадата и рече дека таа акција била симбол на храброста и смелоста на револуционерната младост пред силите на САД.

Исто така ги критикуваше некои од американските претседатели,  особено пораката на претседателот Барак Обама во 2009 година дека Иран ќе сврти нова страница во билатералните односи.

Но, односите меѓу Техеран и Вашингтон и понатаму се влошуваат, посебно поради спорната иранска нуклеарна програма. Под притисок на САД, Советот за безбедност на ОН му одреди санкции на Иран.

Покрај тоа, САД и Европската унија имаат посебни санкции против Иран, особено во енергетскиот, банкарскиот и секторот за поморски транспорт./крај/хи/фф