Свет
WikiLeaks ќе објавува нови доверливи документи

Основачот на интеренет страницата специјализирана за објавување доверливи документи WikiLeaks, Џулиан Ејсенџ во четврток објави во Женева дека идните месеци ќе објави нови чувствителни документи за „неколку држави меѓу кои се и САД“, пренесува AFP
Откако на својата интернетска страница објави околу 400 илјади документи за војната во Ирак, што е најголемото откривање на доверливи воени материјали во историјата, Џулиан Ејсанџ изјавил дека е време САД да се отворат наместо да ги сокриваат тајните. „САД е во опасност да ја предаде својата традиција“, изјавил Ејсанџ алудирајќи на секогаш гордото истакнување од страна на американските политичари за слободата на говорот објаснувајќи дека „законот нема никаква смисла ако самата влада не го почитува“ .WikiLeaks неодамна објави 400 илјади извештаи за инциденти сторени меѓу 2004 и 2009 г., кои откриваат дека американската војска не се обидела да спречи мачења што како редовна практика ги спроведувала ирачката војска врз затворените осомничен, рекол Ејсанџ на прес-конференција во Женева. Додека другите држави како Велика Британија и Данска почнаа да спроведуваат сопствени истраги за извештаите за тортутрата врз затворениците, САД се уште тоа не го сторија, додал Ејсанџ кој на покана од невладина организација учествува на состанокот на Советот за човекови права на Обединетите нации кој ја разгледува состојбата во САД. Есанџ патува со придружба од телохранители и тврди дека тој и неговите соработници се под притисок и сериозни закани од Пентагон.За разлика од првата објава кога WikiLeaks пред јавноста достави 77 илјади страници документи за Авганистан, американската армија овојпат беше однапред предупредена дека во документите ќе се појават и лични имиња. Објавата на овие документи во јули ја разбесни американската армија која WikiLeaks ја нарече „неодговорна“. Сепак, во едно писмо на Пентагон до кое дојде тогаш агенцијата Associated Press, се вели дека ниту еден американски разузнавачки извор или практика не биле компромитирани со објавувањето на извештаите од Авганистан.Иако американската армија се уште смета дека овие истекувања на тајни документи можат да предизвикаат значителни штети, најлошите страхувања на администрацијата во Вашингтон по објавувањето на документите за Авганистан не се остварија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Во Белград откриен споменикот на Стефан Немања, висок 23 метри

Вечерва, во Белград беше откриен грандиозен споменик на српскиот средновековен владетел Стефан Немања. На настанот присуствуваа претседателот на Србија, Александар Вучиќ, и претседателот на Република Српска, Милорад Додик.
На насобраните луѓе им се обратија и Вучиќ и Додик. Српскиот претседател рече: „Се трудевме да ја обновиме Србија, но и да ја вратиме вербата во себе“.
„Местото на кое стојам некогаш беше срам за сите, а вечерва сум среќен затоа што тука каде што стојам, на улицата Немањина, се наоѓа храмот на свети Сава. Успеавме да го осликаме, а така ќе го обновиме и Хиландар и цела Србија. Успеавме економски да ја обновиме земјата и национално да ја воздигнеме“, рече Вучиќ додавајќи дека во власта се прашувале дали 23-те метри колку што е висок споменикот се доволни за да ја одразат големината на Стефан Немања и неговото значење за српскиот народ.
„До него ние бевме племе. Ова не е само чин на откривање на таткото и творецот на државата, ова е еден вид чин на грижа за нас и нашиот идентитет. Да застанеме тука пред големиот Стефан Немања, значи еден вид покајание за сите години што ги заборавивме“, истакна Вучиќ.
Овој споменик, вели тој, е одличен затоа што приказната за нас е одлична.
Свет
САД го добија новиот државен секретар

Ентони Блинкен стапи на функцијата државен секретар на САД. Тој вети дека ќе ги подобри односите со глобалните партнери и ќе му покаже на светот дека Соединетите Американски Држави може да играат водечка улога, истовремено решавајќи го проблемот со климатските промени, распадот на демократијата и други сложени прашања.
Мал број вработени, ограничен поради мерките против коронавирусот, го поздравија Блинкен со аплауз.
„Светот во моментот внимателно нè следи сакајќи да знае дали можеме да ја лекуваме нашата нација, дали можеме да водиме со пример и дали ќе можеме да се соочиме со големите предизвици на нашето време преку дипломатски односи со нашите сојузници и партнери“, рече Блинкин.
Меѓу тие предизвици тој ги вклучи пандемијата на коронавирусот, климатските промени, глобалната економија, заканите за демократијата, борбата за расна еднаквост и правда и опасноста за безбедноста и глобалната стабилност што доаѓаат од противниците. Новиот државен секретар не одговори на прашањето на новинарите кој предизвик го смета за најприоритетен.
Блинкен рече дека Стејт департментот мора да работи на воспоставување обединет фронт со сојузниците за надминување на предизвиците.
Тој е дипломат со долгогодишно искуство, служеше како заменик-државен секретар за време на владеењето на Барак Обама.
Предлогот на Бајден за државен секретар да биде назначен Блинкен беше потврден вчера од Сенатот со 78 гласа „за“ и 22 „против“.
Свет
Сијарто: Набавуваме руски вакцини поради бавноста на ЕУ

Унгарскиот министер за надворешни работи, Петер Сијарто, рече дека главната причина што Унгарија набавува вакцини од алтернативни производители е тоа што Европската Унија е премногу бавна во процесот на дистрибуција.
Иако Унгарија, како членка на ЕУ, е дел од официјалниот механизам за набавка на вакцини, властите на оваа земја одлучија да набават 2 милиона дози од руската вакцина „спутник В“, што предизвика спротивставени коментари во рамките на ЕУ.
„Очекувањата од ЕУ беа навистина големи, но сега гледаме дека дистрибуцијата на вакцини е многу побавна и се доставуваат помалку вакцини во земјите отколку што беше ветено на почетокот. Сепак, некои европски институции и бирократи продолжуваат да ги напаѓаат земјите што бараат алтернативни начини за да набават вакцина. Ова е најважното прашање во моментот и ние сакаме да ги спасиме животите на нашите граѓани“, рече Сијарто.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот