Во главниот град на Хаити, Порт-о-Пренс пријавени се најмалку 120 случаи на колера која е предизвикана од нехигиенски услови и употреба на загадена вода.

Болеста е потврдена и кај едно тригодишно дете кое е од главниот град и не било во некоја од провинциите во кои колерата брзо се шири, јави агенцијата АП.

Британската медиумска куќа BBC ја пренесува изјавата на лекарите кои соопштија дека колерата е клинички присутна во главниот град, но засега нема потврда за епидемија.

Доколу дојде до епидемија во главниот град на Хаити загрозени ќе бидат околу три милиони лица од кои половина живеат во нехигиенски услови бидејќи останаа без своите домови во земјотресот кои ги погоди на 12 јануари.

„Во половина од десет провинции на Хаити владее епидемија на колера, 8.138 се лечат во болниците, а досега починаа 544 лица“, изјави Габријел Тимоти, директор на министерството за здравство.

Експертите се плашат дека Хаити ќе добие нов тек на епидемијата поради ураганот Томас кој минатата недела предизвика обилни дождови, лизгање на земјиштето и кал.

Од ураганот Томас загинаа најмалку 20 лица, 36 беа повредени, а 11 се водат како исчезнати, јавува BBC.Властите и медицинските службеници стравуваат дека во последните три недели низ земјата од колера заболеа десет илјади лица, а во болниците се лечат само четири отсто од заболените. /крај/блиц/мт