Свет
Министерот за правда на Јапонија ја има најлесната работа во светот
Минору Јанагида, сега веќе поранешен министер за правда на Јапонија, рече дека воопшто не му е јасно зошто е поставен на неговата функција, пренесува Би Би Си.
Министерот Јанагида си поднесе оставка неколку дена по изјавата дека ја има најлесната работа во светот и дека воопшто не знае зошто токму тој е поставен на оваа функција.
Тој на партиските симпатизери во својата изборна единица во Хирошима им рекол дека во парламентот е потребно да се знаат само две фрази, и тоа „Не можам да коментирам за поединечни случаи“, која се користи кога нешто не се разбира, и „Постапуваме во согласност со законите и доказите“.
Опозицијата веднаш побарала оставка од министерот бидејќи со овие изјави Парламентот и Владата се предмет на потсмев.
Јавноста се согласила со оваа оценка. Дури 71 отсто од граѓаните во анкетата оцениле дека е неопходно министерот Јанагида да ја напушти функцијата. Премиерот Наото Кан бил присилен од јавноста да ја прифати оставката на министерот.
„Погрешив што се пошегував. Примете мое длабоко извинување“, рече министерот Јанагида при поднесувањето на оставката.
Минору Јанагида не е првиот јапонски политичар чија политичка кариера е прекината поради непромислени изјави. Еден министер за туризам бил присилен да поднесе оставка неколку дена по седнувањето во министерската фотелја поради изјавите на Јапонците дека не сакаат странци./крај/бибиси/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Турција, почувствуван и во Грција
Земјотрес со јачина од 5 степени според Рихтеровата скала е регистриран вечерва во 21:38 часот, во западна Турција.
Според достапните податоци, епицентарот на земјотресот бил лоциран во областа со географски координати на географска ширина 39,444 и географска должина 26,284.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 1о километри под површината на земјата.
Земјотресот се почувстувал и на 13 километри северно од Митимна, Грција.
Засега нема извештаи за материјална штета или повредени, а надлежните служби ја следат состојбата.
Свет
Трамп ја суспендира странската помош на 90 дена
Американскиот претседател Доналд Трамп потпиша извршна наредба за привремено суспендирање на сите американски програми за надворешна помош на 90 дена во очекување на ревизија за да се утврди дали тие се во согласност со неговите политички цели.
Наредбата, меѓу многуте потпишани од Трамп на неговиот прв ден од враќањето на функцијата, наведува дека „странската помошна индустрија и бирократијата не се усогласени со американските интереси и во многу случаи се спротивни на американските вредности“ и „служат за дестабилизирање на светскиот мир преку промовирање идеи во странство“.
Според тоа, Трамп изјави дека „никаква дополнителна странска помош на Соединетите држави нема да биде исплатена на начин што не е целосно конзистентен со надворешната политика на претседателот на САД“.
Државниот секретар Марко Рубио им рече на членовите на Комитетот за надворешни односи на Сенатот за време на неговото сослушување за потврдување минатата недела дека „секој долар што го трошиме, секоја програма што ја финансираме и секоја политика што ја водиме мора да се оправда со одговарање на три едноставни прашања:
„Дали ја прави Америка побезбедна? Дали ја прави Америка посилна? Дали ја прави Америка попросперитетна“.
Наредбата потпишана од Трамп му остава на Рубио да донесе такви одлуки, во консултација со Канцеларијата за управување и буџет. Стејт департментот и Агенцијата на САД за меѓународен развој се главните агенции кои ја надгледуваат странската помош.
Свет
Силен земјотрес го погоди Тајван
Земјотрес со јачина од 5 степени според Рихтеровата скала е регистриран во 19:48 часот во Тајван.
Според достапните податоци, епицентарот на земјотресот бил лоциран во областа со географски координати на географска ширина 21.459 и географска должина 121.0699.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 23 километри под површината на земјата.
Засега нема извештаи за материјална штета или повредени, а надлежните служби ја следат состојбата.