Свет
Три високоризични фондови на Вол Стрит под лупа на ФБИ
Агенти на ФБИ спроведоа три големи рации во канцелариите на високоризични фондови на Вол Стрит, во рамки на големата истрага за инсајдерско тргување.
ФБИ спроведе рации во канцелариите на Level Global Investors LP во Њујорк, во седиштето на Diamond Capital Management LLC во Стамфорд, како и во канцеларијата на Loch Capital Management во Бостон.
Од ФБИ потврдуваат дека се извршени претреси, и дека не можат да соопштат други детали за да не ја загрозат истрагата.
ФБИ и другите агенции го истражуваат инсајдерското тргување на високоризичните фондови и инвестициските банки, јави викендов „Вол Стрит Журнал“. Компаниите наводно заработиле десетици милиони долари илегален профит користејќи тајни податоци за спојување на компаниите.
Рациите се случуваат по еден месец откако државниот адвокат Прит Барара пред Адвокатската комора во Њујорк изјави дека криминалот на Вол Стрит е во пораст. /крај/всџ/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во напад врз женско училиште во Иран убиени се 165 ученички
Сто шеесет и пет ученички се убиени во женско училиште во Минаб, Иран, објавија иранските државни медиуми.
Иран вели дека училиштето било погодено во израелски напад. Израел негира дека извршил напади во областа.
Иранските медиуми велат дека 96 лица биле ранети во нападот.
Свет
Трамп се согласил да разговара со новите ирански лидери
Американскиот претседател вели дека новото раководство на земјата сака да разговара со неговата администрација и дека тој планира да го стори тоа.
„Тие сакаат да разговараат и јас се согласив да разговарам, па затоа ќе разговарам со нив“, беше цитиран од списанието „Атлантик“.
„Требаше да го направат тоа порано. Требаше да го дадат она што беше многу практично и лесно да се направи порано. Чекаа предолго“, додаде Трамп.
Тој не коментираше кога ќе се одржат разговорите.
Свет
Поранешниот ирански претседател Махмуд Ахмадинеџад убиен во напади откако ракета погодила дом
Според извештаите на израелските медиуми, поранешен претседател е убиен во најновата рунда напади. Поранешниот ирански претседател Махмуд Ахмадинеџад наводно е убиен во израелските и американските напади врз Иран.
Иранските новински агенции потврдија дека поранешниот претседател на Иран, Махмуд Ахмадинеџад, е убиен во воздушни напади. Израелските медиуми објавија за убиството, опишувајќи го како дел од тековната кампања насочена кон високи ирански личности. Ахмадинеџад беше претседател на Иран од 2005 до 2013 година.

