Свет
Се стравува дека сите 29 новозеландски рудари се мртви по втората експлозија

Полицијата верува дека не постои шанса некој од заробените 29 рудари да ја преживеал втората голема експлозија од средата во рудникот за јаглен на Нов Зеланд
Полицискиот началник Гери Ноулс, кој раководи со операцијата за спасување, соопшти дека експлозијата што се случила во 2.37 по локално време наутро во средата, била толку силна што никој не можел да ја преживее, пренесува Xinhua.„За жал, морам да ја информирам јавноста на Нов Зеланд дека во 2. 37 часот денеска се случи уште една голема подземна експлозија којашто никој не би ја преживеал“, рекол Ноулс.Тој додал дека и самиот бил во рудникот кога се случила експлозијата, но дека оваа била многу потешка од онаа во петокот.Полицијата соопшти дека сега дефинитивно се изгубени шансите некои од рударите се уште да се живи. Сепак и натаму 29 лица се водат за исчезнати по првата експлозија, во петокот попладне.Информацијата за втората експлозија и веста дека нема преживеани тешко ги погоди семејствата на рударите кои од петокот го исчекуваа исходот пред влезот во рудникот. .Извршниот директор на рудникот Питер Вајтол за медиумите изјавил дека се уште не е безбедно за спасувачкиот тим да влезе во рудникот. Тој додал дека следењето на концентрацијата на гасовите преку направениот отвор пред експлозијата открила концентрацијата на метан на 95 проценти.Спасувачките екипи во средата по неколкуте обиди успеале да го пробијат преминот до главниот тунел во рудникот за јаглен Пајк Ривер во јужен Нов Зеланд, но од отворот ги дочекал врел воздух заситен со метан и јаглерод моноксид и со мал процент на киселина, што ги спречило спасувачите да продолжат со потрагата.Следниот чекор во спасувачката акција требало да биде влегување во дупката, широка 15 сантиметри и долга 162 метри, да спуштат видео-камера со цел да се тестира дали постојат знаци на живот, како и да пратат еден од специјалните роботи. Претходно беше соопштено дека вчеравечер пропаднал обидот да се спушти роботот со камерата, за да ги сними условите во рудникот, бидејќи дошол до вода која предизвикала краток спој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
67 мртви во поплавите во Тексас, загина 21 дете

Бројот на жртви од катастрофалните поплави во Тексас се искачи на најмалку 67 денес, вклучувајќи 21 дете, додека потрагата по девојчињата од летниот камп продолжува трет ден по ред.
Лари Леита, шерифот на округот Кер во регионот Тексас Хил Кантри, епицентарот на поплавите, изјави дека бројот на жртви се искачил на 59, вклучувајќи 21 дете.
Леита рече дека исчезнати се 11 девојчиња и водач на летниот камп во близина на реката Гвадалупе, која се излеа по обилните дождови во централен Тексас на Денот на независноста во петокот.
Другите жртви се од други области погодени од поплавите.
Службениците изјавија дека повеќе од 850 луѓе се спасени, вклучувајќи некои што се држеле за дрвја.
Федералната агенција за управување со вонредни состојби беше активирана денес и распореди спасувачи откако претседателот Доналд Трамп прогласи голема катастрофа, соопшти Министерството за внатрешна безбедност.
Хеликоптери и авиони на крајбрежната стража помагаат во потрагата и спасувањето, соопшти министерството.
Се очекуваат повеќе врнежи во областа во недела, а Националната метеоролошка служба издаде предупредување за ненадејни поплави за округот Кер.
Регион
Македонец меѓу загинатите во Бугарија кога автомобил управуван од 19-годишник се заби во ресторан

Деветнаесетгодишен возач со автомобилот се заби во ресторан во Разград, Бугарија, при што загинаа три лица, меѓу кои 58-годишник, државјанин на Македонија, соопшти бугарската полиција.
Несреќата се случила по полноќ на улицата Гранчарска во градот. Според првичните информации, младиот возач ја изгубил контролата врз автомобилот, што ја предизвикало тешката несреќа. Тестовите за алкохол и дрога на 19-годишниот возач биле негативни, јавуваат бугарските медиуми.
Починатите се лица на возраст од 62, 64 и 58 години, кои биле во објектот во моментот на несреќата.
Свет
Почнуваат преговорите меѓу Израел и Хамас

Катар денес ќе биде домаќин на нова рунда индиректни преговори меѓу Израел и Хамас во обид да се постигне договор за прекин на огнот и ослободување на заложниците во Газа, изјави за АФП палестински извор запознаен со преговорите.
„Медијаторите го информираа Хамас дека новата рунда индиректни преговори меѓу Хамас и Израел ќе почне оваа недела во Доха“, рече изворот, додавајќи дека делегација на палестинското исламистичко движење, предводена од Халил ал-Хаја, веќе е во Доха.
Израелската јавна телевизија објави дека израелската делегација ќе замине за Доха во раните попладневни часови. Овие преговори ќе бидат фокусирани на условите за можен договор за прекин на огнот, особено во врска со ослободувањето на заложниците во Газа и палестинските затвореници во Израел, според истиот извор.
Исламистичкото движење побара значителни испораки на хуманитарна помош на палестинските територии, додаде изворот, како и „гаранции за траен крај на војната“.
Хамас продолжува да бара повторно отворање на преминот Рафа на границата меѓу Појасот Газа и Египет, кој Израел го контролира од мај 2024 година, за да се овозможи евакуација на ранетите.
Според палестински извори запознаени со преговорите, предлогот доставен до Хамас вклучува 60-дневно примирје за време на кое движењето би ослободило 10 живи заложници, како и неколку тела на мртви затвореници, во замена за ослободување на Палестинците што ги држи Израел.
Хамас во петокот објави дека е подготвен „веднаш да започне“ преговори за американскиот предлог за прекин на огнот и дека го проследил „својот одговор“ до катарските и египетските посредници, без да даде детали.
Канцеларијата на израелскиот премиер Бенјамин Нетанјаху вчера објави дека бил информиран за „промените што Хамас сака да ги направи во предлогот“ и дека ги смета за „неприфатливи“.
Индиректните преговори треба да продолжат пред средбата меѓу Нетанјаху и американскиот претседател Доналд Трамп во Вашингтон.
Канцеларијата на премиерот потврди за АФП дека Нетанјаху ќе отпатува за Соединетите Држави денес околу 17:00 часот по локално време.