Грузиската делегација по завршувањето на НАТО самитот во Португалија прославила со забава во луксузен хотел во Лисабон. На прославата им се придружиле и 80 проститутки.

На забавата дури и настанал и инцидент со една од нив, а на вревата се пожалил францускиот претседател Никола Саркози.

Поради неговите жалби раководството на хотелот наредило забавата да заврши порано од планираното, пишува рускиот весник „Правда“.

Весникот прашува дали е тоа вистинскиот начин една делегација да се однесува и дали НАТО така ги троши парите.

На забавата наводно им се придружиле и ерменските колеги.

Персоналот на еден од најскапите хотели се пожалил кога сфатиле дека во хотелот има проститутки.

Премиерот Леван Вепкавадѕе инцидентот го нарекол „срамота“ и најавил истрага, пишува „Месинџер“.

„Грузија ништо не постигна во меѓународната арена. Останаа само забележани кај локалната полиција поради оргија и славење со шампањ“, рекол Ника Лалиашвил, член на најголемата партија Христијанско демократско движење.

Членовите на делегацијата ги отфрлиле сите обвинувања.

Пратеникот од грузискиот парламент Михаил Мачаварини обвиненијата ги поврзал со обидите на Русија да ги „засени” неодамнешните дипломатски успеси на Грузија. /крај/дхр/бд