Силна бура ја погоди Калифорнија, предизвикувајќи поплави опасни по живот и принудувајќи стотици луѓе да се евакуираат среде божиќните празници. Гувернерот прогласи вонредна состојба во шест окрузи поради екстремните услови, а се очекува бурата да продолжи и во текот на Божиќ, објави Скај њуз.

Силните дождови го погодија јужниот дел од американската држава на Бадник, предизвикувајќи широко распространети поплави. Снимките од планинско одморалиште покажаа порои од кал и отпад како се спуштаат по патиштата, додека надојдената вода влегуваше во тремовите.

🚨⚠️ California on high alert! A massive storm is causing flash floods across LA. 🌊

Officials warn: “Turn around, don’t drown!” Roads are dangerous—don’t risk it. #CaliforniaFloods
pic.twitter.com/k5F1sZiHvI

— World Daily Feed (@WorldDailyFeed) December 25, 2025

Националната метеоролошка служба на САД предупреди дека бурите ќе продолжат во текот на Божиќ и издаде ретко предупредување за „висок ризик од прекумерни врнежи од дожд“.

Гувернерот на Калифорнија, Гавин Њусом, прогласи вонредна состојба во шест окрузи за да им овозможи, како што рече, на „службите за итни случаи и однапред поставените ресурси да ги одржат нашите заедници безбедни“.

Powerful holiday storm lashes California, brings flash floods as state of emergency declared in six counties https://t.co/DbQgGeFii7 pic.twitter.com/e0v3BK9UiI

— New York Post (@nypost) December 25, 2025

Властите на округот Лос Анџелес издадоа околу 130 наредби за евакуација на домови во опасност. Многу од тие домови се во области кои беа уништени од големи пожари претходно оваа година.

I-5 northbound in Sun Valley among road closures Wednesday night https://t.co/amAaxo6SC4

— Thomas Appleby (@ThomasAppl21720) December 25, 2025

Метеорологот на Националната метеоролошка служба, Мајк Вофорд, рече дека Јужна Калифорнија обично добива до 2,5 сантиметри дожд во ова време од годината. Сепак, во многу области може да се појават помеѓу 10 и 20 сантиметри дожд оваа недела, а уште повеќе во планинските области.

Американскиот претседател Доналд Трамп им порача на децата дека нема да дозволи злобен Дедо Мраз да се инфилтрира во Соединетите Американски Држави, учествувајќи во традиционалното божиќно следење на Дедо Мраз. За време на јавувањето од својата резиденција Мар-а-Лаго во Флорида, претседателот на децата им објаснил и дека јагленот е „прекрасен“, а Дедо Мраз има „помалку ангелска природа“, пишува „Скај њуз“.

Седејќи покрај божиќната елка, претседателот и првата дама примале повици од деца упатени до Северноамериканската команда за воздушна одбрана (НОРАД), која секоја Бадникова вечер ја следи патеката на санките на Дедо Мраз низ целиот свет.

Кога четиригодишно и десетгодишно дете од Оклахома го прашале зошто се следи Дедо Мраз, Трамп одговорил: „Сакаме да се погрижиме да не се инфилтрира, да не ни се инфилтрира злобен Дедо Мраз во нашата земја.“

За време на десетината повици што ги примиле, претседателот често ја користел можноста да ја пофали состојбата во земјата, велејќи дека е „во одлична состојба“ и дека „бројките се одлични“.

На осумгодишно девојче од Канзас, кое рекло дека не сака јаглен за подарок, Трамп ѝ појаснил: „Мислиш, чист, прекрасен јаглен. Морав да го кажам тоа, извини.“

Потоа додал: „Јагленот е чист и прекрасен. Ве молам, запомнете го тоа, по секоја цена. Но, ти не сакаш чист, прекрасен јаглен, нели?“

„Не“, одговорило девојчето, додавајќи дека повеќе би сакала Барби-кукла, облека и слатки.

Во разговор со осумгодишно дете од Северна Каролина, кое било загрижено дали Дедо Мраз ќе се налути ако не му остават колачиња, претседателот рекол дека не верува во тоа, но дека би бил „многу разочаран“.

„Знаете, Дедо Мраз – тој има помалку ангелска природа. Знаете ли што значи ангелска природа?“, се пошегувал Трамп, додавајќи: „Мислам дека Дедо Мраз би сакал колачиња.“

Претседателот бил добро расположен и изјавил дека би можел да прима повици цел ден, но набрзо напоменал дека веројатно мора да се врати на други работи, како Украина, Русија и Кина.

Во еден момент, додека првата дама разговарала, тој забележал дека таа не му посветува многу внимание, велејќи: „Таа може целосно да се фокусира, а да не слуша.“

Исто така, на петгодишно дете од Пенсилванија му рекол дека ги сака САД, истакнувајќи дека републиканците победиле на последните избори со „убедлива победа“.

По разговорите, Трамп се огласил на својата социјална мрежа „Трут соушал“ со пораката: „Среќен Божиќ на сите, вклучително и на радикалната левичарска олош која прави сѐ што може за да ја уништи нашата земја, но тоа им оди многу лошо.“

Речиси 15.340 евра се запалиле и изгореле во касата на филијала на централната банка во Горна Орјаховица, Бугарија, јауваат локалните медиуми. 86.918 евра, кои исто така биле во трезорот, ги преживеале пламените јазици.

Инцидентот се случил доцна во вторникот попладне. Еден постар маж решил да внесе заштеда од речиси 2.045 евра на својата сметка за да може неговите пари автоматски да се конвертираат во евра по Нова година.

Се покажало дека човекот ги чувал парите во гардеробер, каде што имало и облека третирана со нафталински топчиња. Кога банкнотите биле внесени, тие имале кристали од репелентот, кој е многу токсичен и лесно запалив кога е изложен на топлина.

Банкнотите поминале низ машината за броење и, најверојатно, нафталинот се кренал во воздухот и влегол во клима-уредот. Оттаму, искра влетала во касата, но не ја забележале вработените во банката и парите во трезорот почнале да горат. Се појавил и чад, а откога касата била отворена и во неа влегол кислород, пожарот се разгорел.

Изгорела речиси 1/6 од вкупната сума во касата, која изнесувала приближно 102.264 евра. Нема повредени вработени. Пламенот бил изгаснат од пожарникари, а парите се осигурени. Износот на човекот што го депонирал – 2.045 евра – бил префрлен на неговата сметка – во евра.