Свет
Протести во Каиро поради наводна изборна измама
Демонстранти запалија автомобили, гуми и две гласачки места и се судрија со полицијата во немирите кои избувнаа ширум Египет по обвинувањата дека владејачката партија извршила тешки изборни измами за да ги добие парламентарните избори, јавува Асошиејтед пресНајмоќното египетско опозициско движење, Исламското фундаментално муслиманско братство призна дека нивните пратеници ќе бидат речиси исчистени од парламентот поради она што тие и другите опозициски партии во земјата го нарекуваат „тешка изборна кражба“. Ова е значаен удар за движењето кое во парламентарниот состав што си заминува имаше 88 пратеници, речиси една петина од вкупниот број. Изборите, исто така, ги покажаа ограничените можности на „Братството“, по серијата притисоци во изминативе неколку години, вклучувајќи го и апсењето на околу 1.400 негови активисти во неделите пред изборите. Истакнати членови на ова движење, исто така, признаа дека можат да сторат многу малку за да ја сопрат изборната измама, од страв дека масовни протести ќе доведат до тоа движењето да биде обвинето дека е насилно и да предизвикаат уште посилен притисок во овие несигурни политички времиња во Египет.Парламентарните избори во неделата беа во сенката на претседателските избори кои треба да се одржат идната година и кои, исто така, се обвиени со несигурност поради тоа што човекот кој владее со Египет речиси три децении, 82-годишниот Хосни Мубарак, има здравствени проблеми. Многумина веруваат дека Мубарак го мести својот син, Гамал, за негов наследник, но во јавноста постои силен отпор кон воведување на „наследство“ на моќта. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шолц: Мандатот на Трамп ќе претставува предизвик за Европа
Германскиот канцелар Олаф Шолц денеска изјави дека мандатот на американскиот претседател Доналд Трамп ќе претставува предизвик за Европа, наведувајќи дека таа мора да остане силна во светот на големи промени.
Шолц им рече на новинарите во Париз, каде што се сретна со францускиот претседател Емануел Макрон, дека Европа мора да биде силна и издржлива во светот на големи промени, објави Ројтерс.
„Претседателот Трамп, тоа е веќе јасно, ќе претставува предизвик“, рече Шолц.
Тој предупреди дека треба да останеме со „ладна глава“ во арената на социјалните мрежи кои ги прикажуваат работите како да сме „на работ на нервен слом“.
„Ниту една прес-конференција во Вашингтон или твит не треба да не турка во жестоки дебати за тоа каде сме и што ни се случува“, додаде германскиот канцелар.
„Ова е особено точно по неодамнешната промена на власта во Вашингтон. Да бидеме јасни: Америка е наш клучен сојузник, ќе направиме се што е во наша моќ да остане така, но тоа е во наш заеднички интерес и таа соработка останува клучна за глобалниот развој. Но, јасно е дека Трамп и неговата администрација ќе го држат светот во неизвесност во наредните години на полето на енергијата, одбраната, климатските промени, трговијата. Трамп сето тоа го најави и потврди и претходно. Но, ние сме во состојба да се справиме со тоа и ќе се справиме, оцени Шолц.
Регион
Вучиќ: Веднаш да му подигнеме споменик на Трамп ако ја сопре војната во Украина
Претседателот на Србија, Александар Вучиќ, од Светскиот економски форум во Давос го даде своето мислење за решавање на украинскиот конфликт што го најави новиот американски претседател Доналд Трамп.
„Чекаме да видиме што ќе направи Трамп, утре да зборуваме тука од Давос. Шолц и Макрон се состануваат денеска, ги подготвуваат своите одговори, има многу проблеми и многу непознати во равенката. Доколку Трамп постигне прекин на огнот во Украина, сите треба му подигнеме споменик, ќе ја спаси цела планета. Господ нека ни е на помош“, рече српскиот претседател од Давос.
Вучиќ во Давос изјави и дека Србија е на европскиот пат, но дека треба во голема мера да се сврти и кон Азија, бидејќи од таму најмногу ќе се инвестира во наредниот период.
„Ние сме на европскиот пат и важно е нашата земја да ги забрза реформите, владеењето на правото и други работи, но сите бараат излез од економската ситуација што е можно повеќе во Азија и Африка, особено во Азија, па и ние мора да се свртиме на таа страна“, нагласи Вучиќ.
Свет
Гутереш го повика Иран да се откаже од развојот на нуклеарно оружје
Иран мора да го направи првиот чекор кон подобрување на односите со земјите од регионот и со Соединетите Американски Држави, со тоа што јасно ќе стави до знаење дека нема цел да развие нуклеарно оружје, изјави денеска генералниот секретар на Обединетите нации, Антонио Гутереш.
Зборувајќи за ситуацијата на Блискиот Исток на Светскиот економски форум во Давос, тој рече дека се надева оти Иран ќе се ангажира конструктивно со другите земји во регионот.
Во врска со Појасот Газа, Гутереш рече дека се надева оти конфликтните страни ќе разберат дека ќе имаат корист од траен прекин на огнот, што може да го отвори патот за преговори за решение со две држави.
Гутереш ги повика израелските безбедносни сили да покажат максимална воздржаност на окупираниот Западен Брег, каде што почнаа голема воена операција во Џенин.