Свет
Четворица убиени во самоубиствен напад во Пакистан

Четири лица загинаа денеска, меѓу кои и едно дете, во самоубиствен бомбашки напад пред полициската станица на северозападниот дел на Пакистан каде што безбедносните сили се борат со Талибанците и Ал-Каеда, соопшти полицијата
Нападот во вторникот е извршен во градот Бану, во близина на племенската област Северен Вазиристан, упориштето на Талибанците и Ал-Каеда.Бомбаш-самоубиец ја активирал бомбата во близина на полициските возила пред станицата, изјавил шефот на полицијата , пренесува АФП.Убиени се едно деветгодишно дете, еден полицаец и двајца случајни минувачи, додаде тој, наведувајќи дека целта била полициско возило.Нападите се главно насочени кон безбедносните сили, но во последните месеци и врз цивили. Пакистанските талибанци во 2007 година прогласија „џихад“ против владата во Исламабад заради поддршката на Вашингтон во „војната против тероризмот“.Три години во Пакистан трае бранот на насилство во кој се извршени повеќе од 400 атентати, главно самоубиствени, при што загинаа околу 4 илјади луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Орбан до Западот: Не примаме наредби од неизбрани бирократи, одговараме само пред нашиот народ

Унгарскиот премиер Виктор Орбан изјави дека неговата земја веќе три и пол години ја плаќа цената на војната во Украина, и покрај тоа што, како што рече, „тоа не е нашa војна“.
Тој нагласи дека западните лидери се обидуваат уште подлабоко да ја вклучат Унгарија во конфликтот, но дека Будимпешта ќе продолжи да се спротивставува.
„Ќе го браниме нашиот народ, нашата слобода и ќе тежнееме кон мир,“ порача Орбан преку платформата Икс.
Тој додаде дека Европската унија е создадена да им служи на суверените нации, а не да владее со нив. „Брисел не ја контролира Унгарија. Не примаме наредби од неизбрани бирократи, одговараме само пред нашиот народ. Време е работите да се исправат,“ изјави Орбан.
Свет
Се откачи жичница во Русија, повеќе од 30 евакуирани, има загинати

На планината Елбрус, во руската република Кабардино-Балкарија, се случи несреќа со жичница при што загинаа три лица, а повеќе од 30 беа евакуирани, соопштија локалните власти.
Според првичните информации, загинале жител на Кабардино-Балкарија, жена од Дагестан и маж од Москва. Несреќата настанала кога сајлата излетала од валјак на еден од носачите.
Во моментот на инцидентот, на жичарата имало 37 луѓе, од кои 35 биле успешно евакуирани.
Свет
Поранешен израелски началник: Во Газа се убиени или повредени над 200.000 Палестинци

Поранешниот началник на израелската армија, Херци Халеви, изјави дека во војната во Газа се убиени или повредени над 200.000 Палестинци – повеќе од 10 отсто од населението.
Оваа проценка е блиска до бројките што редовно ги објавува Министерството за здравство во Газа, кои Израел често ги оспорува, иако меѓународните организации ги сметаат за доверливи. Според официјалните податоци, од 7 октомври 2023 година досега се убиени 64.718 луѓе, а повредени се 163.859.
Халеви нагласи дека „ова не е нежна војна“ и дека армијата делува „без ракавици“ уште од првиот ден, но инсистираше дека Израел постапува во рамки на меѓународното хуманитарно право. Тој додаде дека правните советници никогаш не ја ограничувале израелската војска во одлуките за операциите во Газа.