Свет
Пожар на еден од најголемите петрохемиски комплекси во Иран

Силен пожар избувна на еден најголемите петрохемиски комплекси во Иран на островот Харк во Персискиот залив, 57 километри од пристаништниот град Бушер, јави агенцијата Irna, повикувајќи се на генералниот директор на Управата за вонредни состојби на провинција Бушер, Гољамреза Кешткар. „Пожарот избувна на еден од објектите за складирање во петрохемискиот комплекс на Харк претходната вечер и огнот се уште не згаснува и покрај преземените акции на пожарникарите“, изјавил за агенцијата директорот Гољамреза Кешткар. Според него, локалните служби не се во можност да го локализираат пожарот, па затоа на островот се испратени дополнителни противпожарни екипи. Меѓутоа, Кешткар не ги соопштил причините за пожарот. „Во пожарот нема загинати, а едно лице претрпе сериозни изгореници и нему медицинска помош му се пружа во Техеран. Причината за пожарот не е востановена, а штетата се проценува“, додал Кешткар. Овој случај не е прв, на крајот од јули 2010 г. четири лица загинаа во експлозијата во петрохемискиот комплекс „Харк“ . Причината за експлозијата, како што беше соопштено, е зголемениот притисок на централниот котел за согорување на горивниот гас. Поради експлозијата привремено беше прекинато снабдувањето со електрична енергија во целата провинција. Петрохемиски комплекс „Харк“ е најголемиот ирански извозен терминал за нафта, во кој работат околу 400 лица./крај/ирна/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Свет
Медведев се заканува со војна со НАТО: Консултирајте се со Трамп

Поранешниот руски претседател Дмитриј Медведев се закани со војна против НАТО доколку европските земји продолжат да инсистираат на своите планови за испраќање мировни сили во Украина.
Macron and Starmer are playing dumb. Time and again they are told that peacekeepers must be from non-NATO states. No, we will send tens of thousands – just lay it out – you want to give military aid to the neo-Nazis in Kiev. That means war with NATO. Consult with Trump, scumbags.
— Dmitry Medvedev (@MedvedevRussiaE) March 16, 2025
„Францускиот претседател Емануел Макрон и британскиот премиер Кир Стармер ‘се прават глупави’, напиша Медведев на Икс, кој е заменик-претседател на рускиот Совет за безбедност.
„Постојано им се кажува дека мировниците мора да бидат од земји кои не се членки на НАТО“, напиша тој. „Сакате да им дадете воена помош на неонацистите во Киев. Тоа значи војна со НАТО. Консултирајте се со Трамп“, додаде тој.