Свет
Околу 20 загинати во експлозија на автобус во Пакистан

Во експлозија во автобус во северозападен Пакистан се убиени околу 20 лица, јавија локалните телевизии, повикувајќи се на полициски извори
Експлозијата се случи во близина на градот Кохат. Во автобусот кој патувал од градот Хангу, имало повеќе од 20 патници. Според различни извори, најмалку 18 лица загинале на самото место, а неколку патници биле сериозно повредени. Причината за експлозијата се уште не е соопштена. Полициски извори не ја отфрлиле можноста дека таа е резултат на самоубиствен бомбашки напад. Сепак истрагата разгледува и други верзии, вклучувајќи и можна детонација на експлозивот оставен од страна на некој од патниците кои претходно се превезувале со автобусот или експлозија на резервоарите со гас, пренесуваат пакистанските медиуми. Полицијата го изолирала местото на експлозијата, а жртвите биле пренесени во болница во КохатКако што наведуваат локалните медиуми, во последните неколку години милитантите кои оперираат во Пакистан и екстремистичките групи се’ почесто напаѓаат автобуси, вклучувајќи ги и училишните. Така, минатата седмица, беа убиени двајца наставници а шест други лица меѓу кои и две деца, беа повредени во експлозија на две мини, кои беа активирани во градот Пешавар при проаѓање на автобус во кој се превез ученици од едно локално училиште. Претходната седмица околу 15 деца беа повредени при експлозија на училишен автобус во југозападна провинција Балуџистан..Автобусот превезувал 30 деца на воениот персонал на локалните воени единици во покраината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Утре ќе разговарам со Путин, има добри шанси да ја завршиме војната

Американскиот претседател Доналд Трамп најави дека утре ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва.
„Во вторник ќе разговарам со претседателот Путин. За време на викендот беше завршена многу работа. Сакаме да видиме дали можеме да ја завршиме оваа војна. Можеби можеме, можеби не можеме, но мислам дека шансите се добри“, рече Трамп за време на летот од Флорида до Вашингтон. Трамп ќе се обиде да добие поддршка од Путин за предложениот 30-дневен прекин на огнот што Украина го прифати минатата недела.
„Ќе разговараме за територии и за енергетски капацитети. Мислам дека веќе разговаравме многу за тоа со двете страни, и Украина и Русија“, рече Трамп на прашањето што ќе вклучуваат разговорите за прекин на огнот.
Американскиот државен секретар Марко Рубио и рускиот министер за надворешни работи Сергеј Лавров завчера разговараа за „следните чекори“ во предложениот прекин на огнот во Украина, пишува Политико.
Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.