Свет
Визија на НАТО за противракетна соработка со Русија

Генералниот секретар на НАТО Андерс Фог Расмусен смета дека во првата половина на 2011 година Алијансата мора да ја донесе одлуката за практична соработка со Русија на полето на противракетната одбрана
Генералниот секретар на Алијансата, Андрес фог Расмусен на својата интернет страница пишува дека „визијата на Алијансата е да постојат два независни, но координирани системи, кој би работеле интегрирано“ со размена на информации и потенцијален развој на поголема синхронизација.„Русија надвор од секаков сомнеж би знаела дека системот не може да биде употребен против неа, а ние ќе сториме се да и овозможиме транспарентен пристап до противракетниот систем на НАТО“, смета Расмусен и додава дека на тој начин би се избегнало префрлање на безбедност од една на друга страна.„Безбедноста на НАТО е базирана на колективна одбрана. Претпоставувам дека Русија, како силна и независна држава, исто така сака целосна контрола на нејзиниот сопствен одбранбен систем“, вели тој.Останува да се види дали Русија ќе ја прифати визијата на шефот на НАТО за соработка во полето на противракетната одбрана. Руски функционери во повеќе наврати повторија дека соработката не треба да се ограничи само на размена на податоци, туку мора да вклучи и заедничка заштита, при која НАТО би соборувал проектили насочени кон Русија, а Русија би соборувала проектили насочени кон НАТО.Згора на тоа, рускиот претседател предупреди дека ако Русија и НАТО не се договорат за противракетната одбрана, тоа би можело да доведе до нова трка во вооружувањето.Во ноември минатата година, лидерите на НАТО и на Русија во Лисабон се договорија да ги истражат можностите за заедничка изградба на ваков одбранбен систем во Европа. Сепак и двете страни се се уште длабоко поделени околу начините на соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.