Свет
Тунискиот исламистички лидер се враќа во земјата

во Тунис денеска се очекува враќањето на исламистичкиот опозиционен водач Рашед Гануши, по дваесет годишен прогон.Гануши утринава тргна од Лондон за да се врати во земјата без претседателот бен Али, симнат од власт по побуната кон средината на јануари по 23 години власт. Бен Али немилосрдно се пресметуваше со исламистите од почетокот на 90-тите години.Рашед Гануши, сега скоро седумдесетгодишник) го формираше екстремистичкото муслиманско движење Енахда во 1981 година. Портпаролот на неговото движење рекол дека враќањето на Гануши нема да биде триумфално и дека тој само сака да се врати како слободен човек.Сепак пред полетувањето, Гануши не изгледал како да не го интересира политиката, наведува Франс Прес.„Се уште сум лидер на својата партија. Ако се организираат слободни и чесни избори, парламентарни, не претседателски, Енахда ќе учествува на нив“, рекол Гануши.Гануши е доста критички расположен кон ситуацијата во Тунис по падот на Бен али и неговото бегство од земјата по 14 јануари.Како што забележува Франс Прес преодната влада со прогласувањето на општа амнестија на 20 јануари му овозможи на Гануши да се врати во земјата. Одлуката на преодната влада се уште не е потврдена во парламентот, во кој доминира партијата на симнатиот туниски претседател, но не се очекува дека тоа ќе биде пречка за враќањето на Гануши.Во Тунис многумина стравуваат од враќањето на исламистичкиот лидер, додека тој претходно уверуваше дека е за умерен облик на ислам и дека не се залага за строга примена на исламските закони.Пред неговото заминување од Британија стотина жени протестираа во Тунис бранејќи ја еманципацијата што ја стекнале пред повеќе од половина век.Гануши го основаше Енахду по угледот на египетското движење „Муслимански браќа“ и вели дека денеска тоа претставува умерен ислам, близок на турската партија АКП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Брнабиќ: Рокот за формирање нова влада е 18 април на полноќ, констатирана е оставката на Вучевиќ

Претседателката на Народното собрание на Србија, Ана Брнабиќ, изјави дека рокот за формирање нова влада почнува утре, 20 март, и изјави дека, според законот, новата влада треба да биде формирана до 18 април на полноќ.
Брнабиќ рече дека доколку до 18 април на полноќ не се формира нова влада, претседателот е должен да го распушти парламентот и да распише парламентарни избори.
Таа на прес-конференција во српското Собрание, по седницата на која беше констатирана оставката на премиерот Милош Вучевиќ, рече дека со констатацијата на оставката во парламентот и официјално е завршен мандатот на владата.
„Српскиот парламент, во согласност со член 132 од Уставот, ја призна оставката на премиерот, а со тоа и официјално заврши мандатот на Владата на Милош Вучевиќ. Од утре, 20 март, почнува рокот за формирање нова влада“, рече Брнабиќ.
Таа додаде дека, според Уставот, процедурата сега ја презема претседателот на Републиката, кој треба да предложи нов мандатар.
„Крајниот рок за формирање нова влада е 18 април на полноќ. Вучиќ треба да предложи мандатар, а мандатарот на Собранието да ги предложи програмата на новата влада и предлогот на членовите по што пратениците ќе се изјаснат за своите ставови“, изјави Брнабиќ.
Таа посочи дека доколку до тој рок не се избере нова влада, претседателот е должен да го распушти Собранието и да распише избори.
Како што наведе таа, изборите треба да се одржат од 45 до 60 дена од денот на распишувањето, што во овој случај би било почетокот на јуни.
Регион
Пленковиќ: Можеме да обезбедиме дополнителна помош доколку македонските пријатели проценат дека им е потребна

„Најпрвин да изразиме сочувство до семејствата и до Македонија за оваа голема трагедија во Кочани. Досега пет пациенти се префрлени од Северна Македонија во Хрватска“, рече премиерот на Хрватска, Андреј Пленковиќ.
Како што рече, остануваат подготвени и може да помогнат да обезбедат дополнителна помош доколку македонските пријатели проценат дека им е потребна.
„Попладнево, во Загреб ќе престојува и министерот за надворешни работи и заедно со министерот Хрстиќ ќе ги посети пациентите“, додаде Пленковиќ.
Регион
Пукање во Загреб: маскирани напаѓачи застрелале маж додека одел во кафуле и побегнале со мотор

Загрепската полиција потврди дека во средата околу 8.35 часот во загрепска Дубрава со огнено оружје бил повреден 57-годишен маж, а неофицијално се работи за бизнисмен, еден од обвинетите на УСКОК за затајување данок при увоз на луксузни автомобили, пренесуваат медиумите во регионот.
„По пријавата дека денеска, 19 март, околу 8.35 часот во Дубрава, маж имал повреда на долните екстремитети, најверојатно како последица од прострелна рана, дојавата е потврдена по пристигнувањето на полициските службеници на местото на настанот“, објави полицијата.
Од таму додаваат дека е утврдено оти станува збор за 57-годишен маж кому му била укажана лекарска помош и дека нема опасност за други лица.
На местото на настанот се утврдуваат сите околности, соопштија кусо од полицијата.
Според „Јутарњи лист“, мажот бил застрелан додека одел на кафе во маалско кафуле. Маскиран маж му пришол одзади и му пукал во нозете по што побегнал. Полицијата се сомнева дека го чекал соучесник на моторот со кој двајцата избегале, пишува медиумот.