„Во поголем број од градовите во Германија, новата година започна мирно и радосно“, вака сојузната министерка за внатрешни работи Ненси Фезер ја балансираше новогодишната ноќ.

Истовремено, политичарот на СПД ги осуди сите оние граѓани кои со употреба на пиротехнички средства ги попречувале акциите на припадниците на полицијата, пожарникарите и итната помош на терен. Сторителите мора да бидат казнети со сета сила на законот, додаде Фезер, пренесува ДВ.

🇩🇪 Detached fingers, deaths, and hundreds detained: Germany rings in 2025 with fireworks and violence

Five people were killed and over a hundred injured due to mishandling fireworks during New Year's celebrations in Germany. In Berlin alone, 330 individuals were detained on New… pic.twitter.com/dILGzIyBly

— NEXTA (@nexta_tv) January 2, 2025

Во меѓувреме се засили политичката дебата за последиците од новогодишните инциденти. Шефот на баварската полиција Јоаким Херман јавно зборуваше за „ситуации слични на граѓанска војна“. Тој се осврна на настаните во Берлин, а во тој контекст рече: „Ако луѓето се сериозно повредени, ако цели станбени згради станат непогодни за живеење поради употреба на експлозивни направи, тогаш црвената линија е помината“.

New year’s celebrations in Berlin, Germany
pic.twitter.com/ptPHY5VSae

— Special Situations 🌐 Research Newsletter (Jay) (@SpecialSitsNews) January 1, 2025

Заменик-претседателот на пратеничката група на СПД во Бундестагот, Дирк Визе, за весникот Велт изјави дека е крајно време законски да се зајакне заштитата на спасувачките тимови. Поранешниот федерален министер за правда Марко Бушман од ФДП не ги презеде неопходните чекори во овој поглед, смета Визе. Тој побара од Унијата ЦДУ/ЦСУ „да ја прекине политиката на блокада по ова прашање и да го поддржи предлог-законот насочен кон подобра заштита на спасувачките тимови“.

Синдикатот на вработените во полицијата (БДП) е загрижен поради фактот што „потребен е се повеќе персонал за заштита на населението и членовите на спасувачките тимови“. Претседателот на БДП, Јохен Копелке, забележува дека сите кадровски и правни опции во ова прашање се исцрпени. Напади врз полицијата или пожарникарите се регистрирани, меѓу другото, во Берлин, Минхен, Келн, Лајпциг и Хамбург.

Во Берлин, според градските власти и полицијата, за време на новогодишната ноќ се повредени 37 полицајци и еден припадник на противпожарната служба. Еден полицаец е тешко ранет, се претпоставува дека е повреден во експлозија на нелегално пиротехничко средство.

Во Лајпциг околу 50 лица нападнаа полицајци со пиротехнички средства и шишиња. Во Минхен неколку стотици луѓе дивееле на новогодишната ноќ, меѓу другото нападнале и полицајци. Портпаролката на полицијата рече дека се работи за 200-300 лица од левичарскиот спектар.

Германскиот Црвен крст апелира граѓаните поинтензивно да се сензибилизираат по ова прашање. „Мора да се подигне свеста дека членовите на спасувачките тимови даваат важен социјален придонес за секој поединец, тоа е придонес кој спасува животи“, изјави претседателката на Црвениот крст Герда Хаселфелд за медиумската група „Функе“.

И првиот човек на БДП, Копелке, го коментираше трагичниот исход од новогодишната ноќ. Пет лица загинаа при употреба на пиротехнички средства. Тој рече дека тоа е „страшен биланс за првиот ден од новата година“. Бројните повредени лица и видеата на социјалните мрежи покажуваат дека за многу луѓе нормалниот огномет веќе не е доволен, рече Копелке: „Мора да има се повеќе и повеќе експлозивна моќ, поголеми експлозии, многу оган“.

Поради употреба на нелегални пиротехнички средства, односно производи кои се користат за професионален огномет и кои не беа во продажба во изминатите неколку дена, предизвикана е голема штета пред се во Берлин. Според пожарникарите, во областа Шенеберг во една голема детонација биле сериозно оштетени бројни фасади, а пукнало и стаклото на прозорците. Луѓето мораа привремено да се иселат од 36 станови, а две лица се пренесени во болница, потврди портпаролот на берлинската противпожарна служба. Во врска со последиците од употребата на нелегален огномет на теренот, тој рече дека тоа личи на „бојно поле“.

Јохен Копелке од Синдикатот на вработените во полицијата (ГДП) посебно се осврна на однесувањето на младите мажи во населбите кои се познати како социјални жаришта, поточно на фактот дека таму повторно биле нападнати припадници на полицијата и спасувачките тимови. „Веќе не го поднесувам тоа мачо однесување на улиците и на социјалните мрежи“, изјави Копелке за медиумите од групата „Функе“.

Тој бара брзи последици за напаѓачите: „Во Лајпциг, Минхен, Келн и Хамбург бевме цел и повредени. Мора да има брзи и опипливи последици за напаѓачите, а мора да има и последици за членовите на левата екстремистичка сцена“.

Поранешниот претседател на Црна Гора Мило Ѓукановиќ изјави дека злосторството што се случи во Цетиње е настан кој на застрашувачки начин, за жал, уште еднаш потврдува дека црногорското општество е во услови на длабока криза и безбедноста на секој граѓанин, секое дете е загрозено.

Ѓукановиќ во објава на својот профил на социјалната мрежа Икс наведува дека „додека челниците на МВР и на полициската управа одржувале несмасни прес-конференции, убиецот практично им бил зад грб и ја продолжувал својата крвава кампања“.

Тој истакна и дека како и многу други информации за тоа што се случило во Цетиње добил од регионалните медиуми.

„Искрено сочувствувам со семејствата на жртвите на бесмисленото злосторство што се случи синоќа во Цетиње и изразувам најдлабоко сочувство. Ја споделувам болката со граѓаните на главниот град и сите луѓе со добра волја во Црна Гора. Ова е огромна трагедија, по раните на оној пред неполни две и пол години во Цетиње се уште не се залечени премногу дури и за многу поголеми градови и земји, а камоли за Цетиње и Црна Гора.

Настан кој на застрашувачки начин, за жал, уште еднаш потврдува дека црногорското општество е во услови на длабока криза и загрозена безбедност на секој граѓанин, секое дете“.

„Додека челниците на МУП и полициската управа одржуваа непотребни прес-конференции, убиецот ја продолжи својата крвава кампања зад нивниот грб, додека од регионалните медиуми дознавме што се случило и што се случува во Цетиње“, рече Ѓукановиќ.

Убиецот од Цетиње Ацо Мартиновиќ се самоуби откако убил најмалку дванаесет лица, соопшти полицијата. Мартиновиќ, кој бил во бегство, полицијата го лоцирала недалеку од неговата куќа во Цетиње.

„Откако полицијата го опколи и откако виде дека е во безизлезна ситуација, тој се застрела и почина при транспортот до клиничкиот центар“, изјави на прес-конференција директорот на полицијата Лазар Шќепановиќ.

Тој додаде дека напаѓачот убил најмалку дванаесет лица, но можно е да има и повеќе жртви. Четири лица се тешко ранети. Меѓу жртвите има две деца на возраст од 10 и 13 години, а сите се најблиски пријатели, кумови и роднини на убиецот.

Мартиновиќ злосторството го започнал во ресторан во Велестово во близина на Спортскиот центар. По инцидентот меѓу него и гостин, тој отишол дома да земе пиштол, се вратил во кафеаната и таму убил четири лица. Потоа ги убил членовите на неговото семејство и две деца на возраст од 10 и 13 години на три познати локации. Шќепановиќ рече дека мотивот се уште се утврдува.

Премиерот на Црна Гора Милојко Спајиќ најави дека на седницата на Советот за национална безбедност ќе бидат разгледани сите опции, како и целосна забрана за поседување оружје.
Во 17 часот, граѓаните на Цетиње ќе им оддадат почит на жртвите од масовното убиство во кое животот го загубија 12 лица.

Собирот за поддршка на семејствата ќе се одржи на платото кај споменикот Вила, организиран од членовите на семејствата на загинатите во август 2022 година во населбата Медовина.

„Ги споделуваме нивните рани и ќе направиме се за да не биде залудна жртвата на членовите на нивните семејства, но и нашата“, се вели во пораката испратена до Радио Цетиње.

Министерот за правда Бојан Божовиќ соопшти дека на 29.11.2022 година е одземено нелегално оружје од Аце Мартиновиќ, кој вчера во Цетиње уби 12 лица, пренесува „Вијести“.

Божовиќ во соопштението за медиумите наведува дека на 8 ноември 2024 година, Мартиновиќ е осуден на три месеци затвор за кривично дело недозволено поседување оружје и распрскувачки материјали.

„Неговиот бранител поднел жалба на 18 декември 2024 година, но одлуката на Вишиот суд во Подгорица се уште не е донесена. Според криминалното досие тој се сметал за неосудувано лице бидејќи пресудата од 2005 година во меѓувреме била избришана. Поради престанок на правните последици од осудата (примена на Казненоправниот институт за рехабилитација), па во моментот на првостепената пресуда се сметал за неосуден“, рече Божовиќ, поради како што наведе, „многубројните неточни информации кои дополнително ги вознемируваат граѓаните“.

„Свесни за бројните недостатоци, но пред се за непрецизни одредби и благи санкции кои беа пропишани за кривичното дело недозволено поседување оружје, како и поради обврската за усогласување на националното законодавство со Протоколот на ОН за оружје, во декември 2023 г. ги усвоивме Измените и дополнувањата на Кривичниот законик (КЗ)“.