Свет
Мубарак има богатство од 70 милијарди долари?!
Повеќе аналитичари за Блискиот Исток проценуваат дека богатството на семејството на египетскиот претседател Хосни Мубарак и на пошироката фамилија може да изнесува и до 70 милијарди долари
Професорот по блискоисточна политика на Универзитетот Дурам, Кристофер Давидсон, смета дека Хосни Мубарак, неговата сопруга Сузана и двата сина Гамал и Алаа можеле да дојдат до толкаво богатство низ многуте бизнис партнерства со странските инвеститори и компании.Наводно голем дел од богатството на Мубарак е депонирано во бртиански и швајцарски банки и е инвестирано во недвижнините коишто ги поседува во Лондон, Њујорк и Лос Анџелес, како и на атрактивни локации на брегот на Црвеното Море, По трите децении минати на претседателската функција и уште неколкуте години претходно минати на висока воена позиција, Мубарак имал пристап до многу инвестициски договори кои на неговите банкарски конта донеле огромни суми, сметаат финансиските и политичките аналитичари.Според написот на арапскиот весник Al Khabar, египетскиот претседател има станови на њујоршки Менхетен, и куќи во ексклузивната област Роде Драјв на Беверли Хилс. Се смета дека доларски милијардери се и неговите синови.Професорката по политикологија од универзитетот Принстон, Аманеи Џамал, изјави дека богатството на Мубарак што го проценува на 40 до 70 милијарди долари е споредливо со богатството на другите водачи од регионот. „Деловните потфати од неговата воена или политичка кариера се пренесоа на неговото лично богатство“, вели професорката Џамал за американската телевизиска мрежа АBC, додавајќи дека режимите од регионот се карактеризираат со голема корупција и користење на изворите на јавните приходи за лично богатење. Во контекстот на богатстовото што го поседуваат долгогодишните политички водачи во регионот, на удар е и соборениот туниски претседател Зин ел-Абидин бин-Али. Како што јави Associated Press во петокот, Европската унијадонела одлука да го замрзне имотот на бин-Али и на уште 46 негови блиски соработници и роднини. Ваквата одлука е донесена по консултациите со новите туниски власти, изјавил за агенцијата извор од ЕУ, кој сакал да остане анонимен. Се верува дека вредноста на имотот што би можел да биде запленет изнесува повеќе милиони долари.Претходно и властите во Швајцарија одлучија да ги замрзнат на три години сите сметки на поранешниот претседател на Тунис, а исто така и да воведат забрана за продажба на недвижниот имот шти бен Али и семејството го поседуваат во Швајцарија. ЕУ претходно најави дека ќе примени санкции кон поранешниот претседател на Тунис и неговата сопруга.Властите во Тунис издадоа меѓународна потерница по бин-Али, обвинувајќи го дека изнел поголемо количество пари од земјата. Престедателот бин-Али кој беше непрекинато на власт во Тунис цели 23 години, и неговото семејство во кое се неколку од најголемите туниски бизнисмени, поседува огромно богатство и имот низ целиот свет.Покрај тоа, според некои информации, бегајќи од земјата по бранот демонстрации, бин-Али изнесол од Тунис околу десет милијарди евра. Неговата сопруга, која претходно избега во странство, зела 1,5 тони на злато од Централната банка.Поранешниот претседател ја напушти земјата по бранот демонстрации на кои се бараше негова смена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.