Израелски власти долго време сметаат дека Омар Сулејман, екс-директорот на египетското разузнавање сега назначен за заменик-претседател на земјата, е најприфатлив за нив како наследник на претседателот Хосни Мубарак, се вели во документите на Стејт департментот, што го објави Wikileaks

Депешата на американската амбасада во Тел Авив, датирана од август 2008 г., го содржи исказот на советникот на тогашниот израелски министер за одбрана Давид Хахам кој изразил уверување дека Омар Сулејман ќе стане „најмалку преоден претседател во случај Мубарак да умре или да не е во состојба да ја извршува својата функции“. „Нема сомнение во тоа дека изгледите (за доаѓање на власт) на Омар Сулејман, во најголема мера му одговра на Израел“, запишал авторот на телеграмата што Wikileaks ја достави за објавување на британскиот весник Daily Telegraph. Споделуваjќи ги своите впечатоци од посетата на делегација на Министерството за одбрана на Израел во Каиро, Хахам вели дека Израелците биле „шокирани старечкиот изглед и испревртениот говор“ на Мубарак. Притоа, тој позитивно се изразил за Сулејман и дал висока оцена за заедничките дејствија со неговите структури, вклучително и за односите во појасот Газа и во него владејачкото палестинско движење Хамас. Според Хахам, тој понекогаш неколкупати на ден разговарал  со заменикот на Сулејман на „жешка“ линија воспоставена меѓу министерството за одбрана на Израел и разузнавачката служба на Египет. Мубарак го назначи Сулејман за заменик-претседател на Египет на 29-ти  јануари кога се разгореа масовните протести со барањата за  промена на режимот и за спроведува итни социо-економските реформи.