Свет
Војската брутално убива по улиците на Триполи
Силите лојални на либискиот лидер Гадафи убија најмалку двајца демонстранти во обновените протести против неговото владеење во Триполи, додека тој самиот неочекувано се појави пред група свои поддржувачи на централниот Зелен плоштад во престолнината за да одржи говор, пренесува Reuters
Телевизијата Al Jazeera јави дека најмалку двајца демонстранти биле убиени, а неколкумина ранети во жестоките престрелки во повеќе делови на Триполи. Телевизијата Al Arabiya, пак, јавува за најмалку седуммина загинати и повеќе десетици повредени. Кон крајот на денот поголемиот дел на демонстрантите биле разбиени, но се уште имало групи кој ја продолжувале борбата со силите лојални на водачот Моамер ел-Гадафи, јавуваат локални жители.Странските новинари не можат да се движат низ градот и се затворени во хотелите, каде ги чуваат приврзаниците на Гадафи, поради што не можат да се добијат независни информации за состојбата во градот. Вечерва на централниот плоштад на Триполи, Зелениот плоштад, ненадејно се појавил и самиот Гадафи, кој пред поголема група свои приврзаници одржал жесток говор во кој истакнал дека „ќе се бори и до самиот крај“.„Ќе се бориме, ако така сакаат. Подготвени сме да триумфираме над непријателот. Ние ќе го поразиме секој обид од странство, како што ги поразивме италијанскиот колонијализам и американските воздушни напади“, рекол Гадафи, искачен на висок камен ѕид. Тој додал и дека наскоро ќе ги вооружи и припадниците на племињата кои му останале лојални, со што уште повеќе се зголемуваат шансите за граѓански судир од огромни размери во земјата кја е составена од голем број на племиња. Во очајнички обид да го придобие народот, владата на Гадафи денеска преку државната телевизија соопшти дека ќе ги зголеми платите на вработените во јавната администрација и во државните компании, а понуди и други бенефиции и субвенции. Според се’ судејќи, се чини дека Триполи и околината, каде што силите на Гадафи успеаја да ги задушат првичните обиди за бунт, се последните упоришта , откако бунтовниците го ставија под своја контрола целиот источен дел на земјата, а стигнуваат извештаи за заземени делови и од западниот дел. Според очевидци, дури и во Триполи можат да се видат групи на демонстранти кои во одредени делови на градот се движат сосема слободно.Завија, град каде што е сместена најголемата рафинерија во земјата и кој се наоѓа на главниот крајбрежен автопат на 50 километри западно од Триполи, неколку дена по ред успешно ги одбива обидите на владините сили повторно да го заземат и останува во рацете на бунтовниците. Очевидците кои успеале да избегаат од градот велат дека насекаде лежат расфрлани мртви тела и дека околу градот има голем број на контролни пунктови на владините сили, но тие немаат пристап внатре во градот. Извештаите говорат и дека третиот по големина град во Либија, Мисрата, на 200 километри источно од Триполи е целосно во рацете на бунтовниците. И овие извештаи не можат да се потврдат поради речиси непостоечките телефонски и интернет врски. Оние странски репортери кои успеале да стигнат до западниот дел на земјата велат дека контролните пунктови на автопатиштата ги држат силите лојални на Гадафи. На истокот на земјата, каде што се наоѓа најголемиот дел од наоѓалиштата на нафта, бунтовниците ја преземаа целата контрола, а на нивна страна преминаа и речиси си те воени единици кои беа стационирани таму,. По четиридецениското владеење на Гадафи во земјата не постои организирана политичка опозиција, но на истокот набрзина составени комитети од адвокати, доктори, племенски старешини и припадници на армијата ја пополнуваат празнината направена по протерувањето на администрацијата лојална на Гадафи. Засега нема никаков знак од радикалните исламисти, кои Гадафи ги обвини за разгорување на бунтот. Меѓународната заедница, засега, покрај вербалните осуди за реакцијата на режимот на Гадафи на демонстрациите не излезе со конкретни идеи за акции кои би се преземале за да се стави крај на крвопролевањето во Либија, бидејќи повеќето се фокусирани на тоа да ги извлечат своите сонародници кои останаа заглавени во земјата. Денеска своја седница одржува и Советот за безбедност на Обединетите нации, на која ќе се дискутира за британско-францускиот предлог за санкции кон либиските лидери.Истовремено, швајцарската влада објави дека издала наредба за замрзнување на сиот имот на семејството Гадафи кој се наоѓа во банките во таа земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Хаос по поплавите на омилените дестинации во Грција: „Се’ се случи за два часа“
Грчките острови Парос и Миконос, популарни меѓу туристите за време на летната сезона, во понеделникот вечерта беа погодени од поројни поплави, а локалните власти соопштија дека се очекува обилните врнежи да продолжат во регионот.
Властите на Парос изјавија дека пожарникарите морале да спасат 13 лица кои се нашле во неволја поради поплавите.
Градоначалникот на Парос, Костас Бизас, изјави дека надојдените води го напуштиле своето корито во рибарското село Науса, поплавувајќи продавници и куќи и носејќи речиси 40 возила.
#NEWS – #Maltempo in #Grecia, dopo forti piogge improvvise inondazioni nelle isole #Cicladi
Ingenti danni a #Paros, nel villaggio di #Naousa, e a #Mikonos#video dalla rete#31marzo #Greece #floods #weather #Lluvias #Meteo #Weather #flooding #cyclades #island @vinmorgante pic.twitter.com/uubDp1lZPq
— Tv2000.it (@TV2000it) March 31, 2025
Според Ројтерс, властите на Парос се соочиле со потешкотии при отстранувањето на возилата кои биле разнесени од калливите порои по патиштата и населените места.
„Патиштата се оштетени и ни требаат повеќе машини за да можеме да ги исчистиме улиците“, изјави градоначалникот Бизас. „Целата катастрофа се случи за само два часа“, додаде тој.
Several cars swept way by heavy floods in Naousa of Paros, Greece 🇬🇷 (31.03.2025) pic.twitter.com/xCf36HJ8TU
— Disaster News (@Top_Disaster) March 31, 2025
Во Миконос паднал и град.
Severe flooding in Naousa, Paros, Greece, cars swept away by floods. pic.twitter.com/8plRLLrQOL
— Disasters Daily (@DisastersAndI) March 31, 2025
Агенцијата за цивилна заштита предупреди дека жителите на Парос и Миконос не треба да излегуваат од своите домови.
Се очекува обилните врнежи да се преместат кон островите Хиос, Самос и Икарија.
Flash Flood after heavy rain in Naousa, Paros Island, Greece pic.twitter.com/sH5sMXeb5R
— Disasters Daily (@DisastersAndI) March 31, 2025
Breaking 🚨: Severe flooding hits Greece, leaving streets submerged and homes evacuated.
Authorities report heavy rainfall overwhelming drainage systems.
Rescue operations are underway as residents are urged to stay safe. pic.twitter.com/3hikG5STXM
— WorldsQuant (@WorldsQuant) March 31, 2025
Според метеоролошката служба, дождот проследен со ветрови до 74 километри на час претставува опасност и се очекува да продолжи и вечерва.
Училиштата и градинките на островите Парос, Миконос, Родос, Кос, Калимнос, Сими и Тилос се затворени од претпазливост.
Грција во декември 2024 година беше погодена од опасно невреме. Тогаш најмногу настрадаа островите Родос и Лемнос.
Свет
Трамп случајно депортирал невин човек во озлогласен затвор: „Се извинуваме“
Абрего Гарсија е далеку од член на банда, иако никогаш не добил американско државјанство. Единствената информација која упатувала на ова била стара неколку години и дошла од доушник.
Без оглед на тоа, Абрего Гарсија бил депортиран во озлогласниот затвор CECOT во Ел Салвадор, каде што се држат криминалци кои извршиле најтешки злосторства, а повеќето од затворениците доаѓаат од банди како МС-13.
Кога тој бил депортиран во Ел Салвадор, откриваат судските документи, администрацијата на Трамп се извинила и соопштила дека имало процедурална грешка.
Сепак, Абрего Гарсија не може да се врати во САД. Со неговото депортирање во Ел Салвадор, неговиот статус е префрлен во јурисдикција на оваа земја, која сега има право да го приведе или да го врати во Америка.
Поради овој „административен неуспех“, како што го опишаа членовите на тимот на Трамп, неговото семејство е во страв, а според Си-Ен-Ен, истото го чувствуваат и многу други имигранти во САД, дури и оние кои се под заштита во Америка.
Абрего Гарсија останал во САД, според судската одлука од 2019 година, бидејќи „би бил изложен на ризик од насилство од бандите доколку се врати во Ел Салвадор“. Тој дошол во САД на 16-годишна возраст. Иако тие се извинија и рекоа дека имало грешка, ова е втор пат администрацијата на Трамп отворено да ги игнорира судските одлуки за имиграцијата.
За прв пат тоа беше случај со депортацијата на повеќе од 200 граѓани на Венецуела, кои администрацијата на Трамп ги опиша како „членови на банда“, а која беше запрена од повисокиот суд во Вашингтон. Без оглед на одлуката на судијата Џејмс Боасберг, овие лица биле депортирани во Ел Салвадор.
Свет
(Видео) Експлозија во фабрика за пиротехника во Индија, загинаа најмалку 18 лица
Најмалку 18 лица загинаа денеска во експлозија во фабрика за петарди во индустриска зона во областа Банасканта во индиската сојузна држава Гуџарат.
„Осумнаесет лица загинаа во инцидентот, а пет се повредени откако ѕидот на зградата се урна по огромна експлозија“, изјави началникот на полицијата Акшајрај Маквана.
#Gujarat નાં બનાસકાંઠા જિલ્લાનાં ડિસામાં ફટાકડા ફેક્ટરીમાં લાગી આગ, 18 લોકોનાં થયાં મૃત્યુ
🔥ફેક્ટરીમાં વિસ્ફોટ થવાથી લાગી આગ, જેના લીધે ઈમારતને થયું નુકસાન
🔥ઈમારતનાં કાટમાળમાં ઘણાં શ્રમિકો ફસાયાં
#गुजरात #Banaskantha #FIRE #GujaratFactoryFire #death #Deesa #Boiler pic.twitter.com/GU0sUePlWR— AIR News Gujarat (@airnews_abad) April 1, 2025
Повеќето од жртвите се работници од државата Мадја Прадеш и членови на нивните семејства.
Експлозијата се случила во фабриката околу 9:45 часот, а спасувачките екипи ги расчистуваат урнатините, јавуваат локалните медиуми.
Тим на Државните сили за одговор при катастрофи (SDRF) исто така беше на лице место за да помогне во спасувачките операции, изјавија официјални лица за новинската агенција „ПТИ“.
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
93 пациенти повредени во пожарот во Кочани закрепнаа, уште 100 се лекуваат во странство и во домашните болници
Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...
(Видео) Грција ја зафати невидено невреме, уништени омилените туристички места
Страшното невреме што ја зафати Грција речиси инстантно ги уништи омилените места за одмор во оваа земја. Некои од најубавите...
„Кој му ги дал службените тајни на обезбедувачот на Мицкоски“, прашува СДСМ
„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...
Нема знаци за живот под урнатиот облакодер во Бангкок: „Ќе копаме уште“
Гувернерот на Бангкок Чадчарт Ситипунт изјави дека не се откриени знаци на живот во урнатините на облакодер во главниот град...
Првото патување на Трамп ќе биде во Саудиска Арабија
Американскиот претседател Доналд Трамп вчера изјави дека планира да ја посети Саудиска Арабија уште во мај за да потпише инвестициски...
(Видео) Кина одржува воени вежби околу Тајван, објави анимација: „Паразитот го труе островот“
Кина го распореди својот носач на авиони Шандонг и други бродови околу Тајван, објави денеска тајванското Министерство за одбрана, додека...
(Видео) Додик се огласи по неколкудневен молк: Пристигнав во Москва
Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер...
ФФМ најави дисциплинска постапка за натреварот во Тетово: За вакви нелуѓе нема место во фудбалот
Фудбалската федерација на Македонија најави санкции за фудбалскиот клуб Шкендија, чии навивачи денеска предизвикаа скандал со недоличното однесување пред почетокот...
(Видео) Навивачи на Шкендија наместо молк за жртвите од Кочани, пееја и исвиркуваа
Натпреварот меѓу Шкендија и АП Брера од Струмица го одбележа недолична сцена на почетокот на мечот кога домашните навивачи решија...
Шест пациенти денеска се враќаат од странство, пет од Србија и еден од Италија
Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и...
