NULL

„Њујорк Тајмс“ (САД)

„Како што паѓаат режимите во арапскиот свет, така Ал Каеда доживува историски подем“ е централен наслов во весникот. Пред речиси две децении, лидерите на Ал Каеда ги осудија диктаторите во арапскиот свет дека се еретици и марионети на Западот и повикаа на нивно симнување. Сега, бројот на луѓе во овие земји кои сакаат да ги соборат своите лидери се зголеми, а Ал Каеда не одигра апсолутно никаква улога. Сепак, весникот пишува, дека разните опозициски движења што се појавија во овие земји, покажале две централни особини на Ал Каеда: убиствено насилство и верски фанатизам.„Гардијан“ (Велика Британија)

Под наслов „Светот го притиска Гадафи да си замине“ весникот пишува дека Моамер Гадафи ги губи позициите и пријателите по меѓународниот притисок врз него да си поднесе оставка. На западните земји им се приклучија и Кина и Русија во повиците до него дека ќе го гонат за воени злосторства. Британија најави дека го укинува дипломатскиот имунитет на либискиот лидер и на неговото семејство, вклучително и на синот Саиф ал-Ислам, кој има блиски односи со Британија.„Чајна дејли“ (Кина)

Во текстот со наслов „Кинескиот премиер проектираше раст од седум отсто“, весникот пишува дека годишен економски раст од седум отсто е проекцијата за петгодишниот план 2011-2015 година кој треба да обезбеди одржлив економски развој. Премиерот на Кина, Вен Џибао, изјавил дека земјата повеќе не смее да биде жртва на животната средина за доброто на економскиот раст и на несовесната опозиција што би резултирало со неодржлив раст и интензивна потрошувачка на ресурси.„Москва Тајмс “ (Русија)

Еден од водечките наслови во весникот е „Лукашенко притиска за контрола на странските валути“. Претседателот на Белорусија ги повикал Владата и Централната банка во земјата да ја заострат контролата врз курсот на странските валути, велејќи дека тоа ќе го намали притисокот за белоруската рубља. Валутата на поранешната советска република се најде под притисок откако владата ги зголеми расходите и кредитирањето минатата година во време на претседателските избори, кога Лукашенко го обезбеди и својот четврти мандат.