Свет
Десетици илјади демонстранти протестираат во Јемен
Масовни демонстрации организирани се денеска во центарот на Сана, главен град на Јемен, на повик од опозицијата која бара заминување на јеменскиот претседател Алија Абдалах Салех.Демонстрантите блокирале три улици кои водат кон Универзитетот во САна, каде од 27 јануари се одржуваат протести. Засега нема официјални проценки за бројот на насобраните, а според извештаите на дописниците на агенцијата Франс прес, на демонстрациите учествуваат повеќе десетици илјади луѓе.Демонстрантите извикуваат „Народот сака пад на режимот!“, како и „Народот сака заминување на Алија Абдалах Салех“.Јеменскиот претседател, незадоволен од протестите, ги обвини ИЗраел и САД дека го поттикнале револтот во арапските земји.„Случувањата во арапскиот свет од Тунис до Оман се бура што е поттикната од Тел Авив под надзор на Вашингтон“, изјавил денеска за новинарите Али Абдалах Салех, кој е на власт веќе 32 години.Тој додал дека протестите во Јемен, каде опозицијата денеска организира масовни демонстрации во Сана, се обид за пресликување на случувањата од другите арапски држави и истакнал дека Јемен не е Тунис ниту Египет како и дека јеменскиот народ е поинаков./крај/бл/бч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.