Свет
Маргелов не исклучува дека САД воено ќе го соборат режимот на Гадафи

Претседателот на комитетот на Советот на Руската Федерација за меѓународни работи, Михаил Маргелов, не исклучува почеток на воени дејствија од страна на САД против режимот на претседателот на Либија, Моамер ал-Гадафи и неговите поддржувачи
Американскиот претставник во Обединетите нации, Сузан Рајс во вторникот изјави дека САД ќе разговараат со партнерите во НАТО за можноста за воена интервенција во ситуацијата во Либија. Претходно, премиерот на Велика Британија, Дејвид Камерон, изјави дека тој не ја отфрла можноста за употреба на воена сила против режимот на Моамер ел-Гадафи, а претставници на Пентагон изјавија дека САД вршат прегрупирање на поморските и воздушните сили во регионот околу Либија. „Токму сега во близина на либискиот брег се групираат воени бродови на САД, а Вашингтон е подготвен да започне борба против силите на Гадафи, без одобрение на некој од сојузници во НАТО или Русија“, изјави Михаил Маргелов за РИА Новости во вторникот. Во тој случај, смета рускиот сенатор, ако почнат непријателствата, може да се случи „еден вид ширење на демократијата како во Ирак“, што може да ги уништи зачетоци на демократијата во регионот. Маргелов, исто така, ги обвини САД и Европа за политиката на двојни стандарди во однос на режимот на Гадафи. „Во однос на Либија се раководат само од сопствените интереси, особено нафтените, таков е впечатокот, како да никој во релевантни кругови во Европа и во САД не беше свесен за терористичките предзнаци на Гадафи или за мрачните особености на неговиот режим“, вели Маргелов. Според него, нафтата и природниот гас продолжуваат да ја обеспокојуваат Европа и Америка многу повеќе од човековите права и демократијата во Северна Африка и на Блискиот Исток. Тоа, вели Марелов, ја објаснува леснотијата со која се наложуваат санкции на Белорусија, кои немаат резерви на јаглеводороди и добија „нож во грбот“ во смисла на соборувањето на диктаторите во Северна Африка.
„Во однос на нив во политиката на САД и на Европската унија дејствува срамната попустлива формула според која „секој народ си го заслужува водачот“, додава Маргелов.Според него, Европа во овој контекст може да биде спокојан, затоа што нафтата и природниот гас од Северна Африка и Блискиот Исток ќе и бидат доставени „дури и ако до власта се доближи Ал Каеда“, бидејќи нема таков режим што ќе се откаже од петро доларите“. Претседателот на Меѓународниот комитет на Советот на Федерацијата, изјави дека сегашниот имиџ на Европа и САД меѓу обичните Арапи е значително поткопан, а дополнително конфузија меѓу арапските елити внесува фактот дека Европа и САД „почнаа силно да ги поддржуваат бунтовниците.“. „Сето тоа заедно го отвора патот за екстремистите“, заклучува. Маргелов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Во Врање сменет начинот на вакцинација откако маж прими две различни вакцини

Од денес е сменет начинот на вакцинирање во српскиот град Врање заради неодамнешниот пропуст кога едно лице беше вакцинирано со две различни вакцини.
Сменета е и локацијата за вакцинација. Сега се вакцинира само во јавната установа Спортска хала, а примателот на вакцина се следи од влезот до излезот од објектот.
„Целиот систем е дизајниран за да не се повтори грешката со давање две различни вакцини. Поставен е мониторинг, пациентот се следи целосно од влез до излез, така што грешката е сведена на скоро нула“, рече координаторот на Здравствениот дом во Врање, Небојша Димитријевиќ.
Слаѓан Антиќ од Врање прими две различни вакцини, прво таа на „Фајзер“, а потоа за време на ревакцинацијата, ја примил кинеската вакцина на „Синофарм“.
Антиќ ја примил првата доза на вакцината во Здравствениот дом во Врање, а за втората доза добил СМС-порака да се јави во Спортска хала.
По ревакцинацијата, како што вели, во разговор со докторот дознал дека е вакциниран со кинеската вакцина.
„Во разговорот, лекарот што ми е пријател ми рече – кинеската вакцина што ја прими е одлична. Изненаден го прашав – како кинеска, требаше да ја примам вакцината на ‘Фајзер’ и тогаш настана гужва “, рече Антиќ за РТС.
Во Врање четири недели е на сила вонредна состојба поради зголемувањето на бројот на болни и хоспитализирани.
Свет
Градоначалник во Италија даде оставка откако јавноста дозна дека се вакцинирал преку ред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори истрага.
„Поминав непроспиена ноќ размислувајќи за својата одлука и заклучив дека ќе биде правилно да се повлечам, и покрај тоа што бев вакциниран како еден од општинските советници“, изјави за италијанската агенција АНСА, Николо Николоси (78).
Корлеоне е мал град во близина на Палермо, историско упориште на мафијата чие име се поврзува со митската сага раскажана во филмот „Кум“ на режисерот Френсис Форд Копола.
Италијанските медиуми вчера објавија дека полицијата го испитува градоначалникот и другите членови на градскиот совет и дека случајот е пријавен во локалното обвинителство.
На официјалната страница на „Фејсбук“ на Градот Корлеоне бше потврдено дека Николоси примил две дози вакцина уште во јануари, иако тој не бил во приоритетната група.
Италија ја започна својата кампања за вакцинација кон крајот на декември, резервирајќи ги првите дози за здравствените работници и луѓето постари од 80 години.
Но, Николоси тврди дека на локалните политичари како него им е потребна итна заштита од вирусот, исто како и на здравствените работници.
„Градоначалникот беше вакциниран свесно, за да спречи потенцијален контакт со вирусот што може да го спречи да ги извршува своите должности среде борбата против вирусот“, пишува на страницата на Градот Корлеоне.
Досега во Италија од вкупно 60 милиони луѓе, 1,6 милиони ги примиле двете дози, соопшти локалното Министерство за здравство.
Од коронавирусот во Италија починаа скоро 100.000 луѓе.
Свет
Австрија ја запре вакцинацијата со вакцината на „АстраЗенека“, се истражува смртта на едно лице

Австриските власти привремено ја прекинаа вакцинацијата со серија вакцини против Ковид-19 од „АстраЗенека“, додека во тек е истрага за смртта на едно лице и развој на белодробна емболија кај друго по вакцинирањето, објави австрискиот државен завод за здравствена безбедност (БАСГ).
БАСГ доби два извештаи поврзани со вакцини од „АстраЗенека“ од истата серија, а пациентите ја примиле на клиника во градот Цветл во провинцијата Долна Австрија, се вели во соопштението.
Според извештајот, 49-годишникот починал како резултат на тешко нарушување на коагулацијата на крвта, а 35-годишникот развил белодробна емболија, но се опоравува.
„Во моментов, нема докази за причинско-последична врска помеѓу овие состојби и вакцината“, се вели во соопштението на БАСГ.
Претставник од „АстраЗенека“ рекол дека компанијата е во контакт со австриските власти и дека ја поддржува истрагата.
Новинската агенција АПА потсетува дека вакцината била одобрена и од Европската агенција за лекови и од Светската здравствена организација врз основа на глобално клиничко испитување во кое учествувале 23.000 испитаници.
„Сите претходни проценки покажаа дека вакцината на ‘АстраЗенека’ е безбедна и ефикасна“, објави АПА.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа2 недели
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“