Најмалку десет лица загинале, а повеќе од 30 се ранети во експлозија во петокот во една од џамиите во градот Ноушерa во северозападниот дел на Пакистан, јави телевизијата GEO цитирајќи полициски извори.

Најмалку десет лица загинале, а повеќе од 30 се ранети во експлозија во петокот во една од џамиите во градот Ноушерa во северозападниот дел на Пакистан, јави телевизијата GEO цитирајќи полициски извори. Според извештаите на локалните медиуми, експлозијата одекнала во џамија во близина на локалното светилиште Ахонд Паџо Баба. Според првичните информации, експлозијата на бомбата во џамијата активирана со далечински управувач имала моќност еквивалентна на четири килограми ТНТ. Засега ниедна од терористичките групи коишто се активни во Пакистан, не ја презеде одговорноста за експлозијата. Ова е втора силна експлозија што се случи во северозападниот дел на Пакистан во последните два дена. Претходно во близина на градот Хангу во близина на полициската станица експлодираше експлозивна направа. Според последните информации, во оваа експлозија загинале 15 лица. Терористичките напади од страна на пакистанските екстремистички групи се речиси секојдневна појава. Цел на радикалите кои изведуваат напади со подметнати експлозивни направи бомби, со престрелки и напади на бомбаши-самоубијци се полициските и воените сили, претставници на централната пакистанска власт, но често и цивили. Според процените на пакистанските медиуми од 2007 г. во терористичките напади во загинале повеќе од 3,5 илјади лица./крај/ро/сн