Италијанската „Unicredit“, банка, која е најголемата кредитна институција во Европа, е подготвени да го замрзне правото на глас на либиските акционери по одлуката на ЕУ да воведе дополнителни финансиски санкции против режимот на Моамер ел-Гадафи

Италијанската „Unicredit“, банка, која е најголемата кредитна институција во Европа, е подготвени да го замрзне правото на глас на либиските акционери  по одлуката на ЕУ да воведе дополнителни финансиски санкции против режимот на Моамер ел-Гадафи, изјави за медиумите денеска претставник на банката. Акционери на „Unicredit“ се Централната банка на Либија (4,98) и либискиот суверен фонд Libyan Investment Authority – LIA (2,59 отсто), чија актива меѓународните експерти ја проценуваат на 40 милијарди долари. Вкупната берзанска цена на либиските средства во „Unicredit“ изнесуваат околу 2,59 милијарди евра. Член на Управниот одбор и заменик-претседател на „Unicredit“, е Фарахт Бандагара, директор на Либиската централна банка и член на раководството на LIA. Според италијанските медиуми, откако кон средината на февруари во Либија избувнаа масовни протести против режимот на полковникот Моамер ел-Гадафи, извесно време меѓу раководството на „Unicredit“ и либиските акционери немало никаков контакт. Но, сепак, тие контактирале минатата седмица. Според информациите од дипломатски извори, денеска претставници на земјите од ЕУ се согласиле да воведат дополнителни финансиски санкции против Либија, што треба да претпоставува замрзнување на средствата на Централната банка на Либија и фондот LIA. Во петок овој договор мора да биде одобрен од владите на 27-те земји членки на ЕУ. „Unicredit“ која е една од најголемите банки во светот, работи во 22 земји и опслужува повеќе од 40 милиони коминтенти. Неговите главни интереси се концентрирани во Италија, Австрија, Германија и во државите од источна Европа./крај/анса/сн