Првите два случаја на јужноафриканскиот вид на коронавирус се регистрирани во Хрватска, а е забележано значително зголемување на бројот на лица заразени со британскиот вид на вирус, изјави епидемиологот Горанка Петровиќ.

„Вчера ги добивме резултатите од редоследот на примероците што ги испративме до Европскиот центар за контрола на болести. Од 300 примероци чии резултати пристигнаа, 60 беа позитивни за британскиот вид, што е 20 проценти позитивни примероци. Тоа е прилично висок процент. Потврдена е и јужноафриканската варијанта кај две лица кои се вратиле од Африка, од Занзибар“, објасни Петровиќ.

Претходно, и Словенија го регистрираше првиот случај на заразен со оваа мутација на вирусот.

Советот за безбедност на Обединетите нации синоќа ја одобри резолуцијата за фер и рамноправна распределба на вакцините против Ковид, предложена од Велика Британија, која претседава со Советот овој месец.

Во согласност со правилата за време на пандемијата, гласањето се вршеше во пишан формат, пренесе ТАСС.

Документот апелира до членките на ООН подеднакво да дистрибуираат вакцини на сите земји во светот и повикува на прекин на огнот во конфликтните зони додека се спроведува вакцинацијата.

Администрација за храна и лекови (ФДА) ја одобри употребата на вакцината против коронавирус на „Џонсон и Џонсон“, објави Си-Ен-Ен.

ФДА и Комитетот за биолошки производи јавно гласаа за одобрување на вакцината за итни случаи за лица постари од 18 години.

Оваа вакцина се разликува од онаа на „Модерна“ и „Фајзер“ по тоа што содржи само една доза и може се чува во обични фрижидери, односно не бара екстремно ниски температури.

Вакцината е клинички тестирана на повеќе од 44.000 луѓе во САД, Јужна Америка и Латинска Америка.

На глобално ниво, покажа ефикасност од 66 проценти во спречување на умерени и тешки форми на Ковид.