Двата исклучително силни земјотреси кои ја погодија Јапонија, за кои американските сеизмолози ги проценија на 8,9 степени и 7,1 според Рихтеровата скала, утринава предизвикаa цунами високо 10 метри, кое направи пустош низ североисточниот брег на оваа островска земја, јавија светските медиуми.

Двата исклучително силни земјотреси кои ја погодија Јапонија, за кои американските сеизмолози ги проценија на 8,9 степени и 7,1 според Рихтеровата скала, утринава предизвикаa цунами високо 10 метри, кое направи пустош низ североисточниот брег на оваа островска земја, јавија светските медиуми.Епицентарот на првиот земјотрес со 8,9 степени бил под морето, на 380 километри североисточно од главниот град на Токио, а на длабочина поголема од 10 километри. Kако што јавува агенцијата Асошиејтед прес, зградите во главниот град жестоко се нишале, возовите запреле со движењето и плафонот на една огромна хала се урнал, повредувајќи непознат број на луѓе.Вториот голем земјотрес од 7,1 степени според Рихтеровата скала, удрил 505 километри североисточно од Токио.Медиумите јавуваат за огромни штети и голем број на повредени и се наведува дека се работи за најсилниот земјотрес кој по долго време ја погодил Јапонија. Агенцијата Франс прес јави дека потресот однел најмалку три жртви.Јапонскиот јавен ТВ сервис ХНК прикажа огромни штети од цунами во градот Онахама, каде џиновските бранови носеле автомобили и камиони, уништувале куќи и згради по должината на брегот.Опасност од цунами е прогласена на Филипините, во Индонезија, на пацифичкиот брег на Русија, на Хаваите, Тајван и островот Гуам. После двата силни земјотреси следеле дополнителни потреси кои исто така биле многу јаки.Премиерот на Јапонија, Наото Кан изјави дека силните земјотреси предизвикале огромни штети во североисточниот дел на земјата, но дека не се оштетени нуклеарните електрани во овој дел на Јапонија. /крај/бета/асошиејтед прес/ко