Саиф ал-Ислам Гадафи, еден од синовите на либискиот лидер, Моамер Гадафи, за италијанските медиуми денеска изјави дека е сигурен во победата на владините сили.

Синот на лидеро Моамер ел-Гадафи нагласи дека армијата на Либија контролира 90 отсто од територијата на земјата. Саиф Гадафи ја исклучи секоја можност за преговори со бунтовниците. Во разговор за весниците „Кориере дела Сера“ и „Република“, вториот син на полковникот Гадафи најави борба до конечна победа. Синот на Гадафи дополни дека владините сили се борат против терористи кои ладнокрвно убиваат полицајци. Саиф Гадафи ги призна грешките на режимот, поради доцнењето со модернизацијата на армијата и полицијата, новата економија и демократизацијата на општеството. Одлуката на францускиот претседател, Никола Сакркози, да го признае Националниот совет на бунтовниците за легитимен преставник на либискиот народ, Саиф Гадафи ја прокоментира како чудна. Тој истакна дека самопрогласениот Национален совет е избрано без одржување на избори или референдум. Силите верни на режимот на Гадафи ја вратија контролата врз крајбрежниот град Рас Лануф, кој се наоѓа на 615 километри источно од Триполи. Веста дека владините сили го контролираат градот и рафинеријата ја потврди и поранешниот министер за внатрешни работи, кој им се приклучи на бунтовниците, Абдел Фатах Јунис