Снимател на Тв Ал Џезира , е убиен во близина на Бенгази, на истокот на Либија. Тој е прва жртва меѓу новинарите во едномесечните судири во Либија, пренесе Асошиејтед прес.

Снимател на Тв Ал Џезира , е убиен во близина на Бенгази, на истокот на Либија. Тој е прва жртва меѓу новинарите во едномесечните судири во Либија, пренесе Асошиејтед прес.

Ал Џезира синоќа соопшти дека загина снимателот,  Али Хашан ал – Џабер , додека известувачот Бајбах Валд Ахмади бил ранет во глава, во заседа,  која и била поставена на Тв екипата. Инцидентот се случил во областа Хавари, каде е упориштето на бунтовниците кои се борат против силите лојални на Гадафи.

Ахмади рече дека  било пукано во задниот дел од нивното возило при што убиениот Ал – Џабер бил три пати погоден во грб.

Ранетиот Ахмади рекол дека екипата на Ал Џезира со денови имала чувство дека ги следат и дека за тоа била известена управата на хотелот каде престојувале во Бенгази, по што била подобрена нивната безбедност.

„Дури ни териториите кои се под котрола на бунтовниците, не се потполно безбедни“, рече Ахмади и додаде дека во тие области има и приврзаници на лидерот Гадафи.

Во Бенгази беше одржан простест на солидарноста за убиениот снимател на Ал Џезира./крај/ап/ми