Свет
Во Јапонија потврдена смртта на 1.400 луѓе

Јапонски власти ја потврдија смртта на повеќе од 1.400 луѓе во катастрофалниот земјотрес и цунамито што следеше, објави интернет страницата на телевизијата NHK
Најмногу загинати се во северо-источните префектури Мијаги, Ивате и Фукушима, каде најсилно се почувствуваа последиците од разорната природна катастрофа. Началникот на полицијата префектурата Мијаги, Набуто Такеучи претходно во неделата соопшти дека бројот на жртвите од земјотресот и цунамито само во оваа префектура може да достигне до 10 илјади. Јапонски медиуми проценуваат дека бројот на евакуираните луѓе се движи меѓу 310 и 390 илјади луѓе. Земјотреспт чијашто магнитуда во неделата беше коригирана од страна на Јапонската метеоролошка агенција на 9.0 степени по Рихтер, се случила на 11 март и предизвика цунами бран чијашто височин врз некои крајбрежни области достигна до 10 метри. Многу брзо по главниот потрес, следеа серија афтершокови од кои најмалку четири со магнитуда над 7 степени. Како што објавија во неделата, јапонската новинска агенција Kyodo, бројот загинати и исчезнати во северо-источниот дел на земјата достигна две илјади, a болнички извори соопштиле дека се пријавиле 1.130 повредени лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Подготвен сум да им се придружам на Трамп и Путин во Будимпешта

Украинскиот претседател вели дека е подготвен да присуствува на средбата на американскиот претседател Доналд Трамп со рускиот претседател Владимир Путин во Будимпешта, доколку биде поканет.
Трамп и Путин се согласија да се сретнат по втор пат во унгарската престолнина за да најдат решение за војната во Украина.
Зеленски го посети Вашингтон во петокот, каде што не успеа да го убеди американскиот претседател да испорача ракети со долг дострел „Томахавк“ во Киев.
„Ако бидам поканет во Будимпешта, без разлика дали станува збор за покана во форма на средба со тројцата или пак претседателот Трамп да се сретне со Путин, па потоа со мене, тогаш, во една или друга форма, ќе постигнеме договор“, изјави Зеленски на прес-конференција.
Сепак, украинскиот претседател верува дека Будимпешта не е „најдоброто место за оваа средба“.
Блискиот сојузник на Доналд Трамп во рамките на Европската Унија, унгарскиот премиер Виктор Орбан одржува помирувачки тон кон Путин и покрај неговата инвазија на Украина, додека беше многу критичен кон Зеленски.
Според Зеленски, условите на Русија за мир останале непроменети, вклучително и повлекувањето на украинските сили од целиот регион Донбас, индустриски регион во источна Украина што Москва сака да го анектира.
Тој рече дека им објаснил на своите американски колеги за време на посетата на Вашингтон дека „ставот на Украина не се променил“, што значи дека ги отфрла условите на Русија.
„Нема да им ја предадеме победата на Русите“, рече тој.
фото: принтскрин
Регион
(Фото) Тело на новороденче пронајдено во Нови Сад, мајката веднаш уапсена

Утрово, во Нови Сад,е пронајдено безживотно тело на новороденче, а кратко потоа е уапсена жена за која се сомнева дека е мајката на детето, пренесува Нова.рс.
Жената е затекната само на 50 метри од местото каде што е пронајдено телото, во влез од зграда, по што полицијата веднаш ја привела.
Полицијата го блокирала просторот каде што е пронајдено детето. Во тек е истрага за утврдување на сите околности на овој трагичен случај.
Повеќе детали ќе бидат познати по завршувањето на истрагата.
фото: принтскрин
Свет
Севернокорејски војник пребегал во Јужна Кореја

Севернокорејски војник пребегнал во Јужна Кореја преку силно утврдена граница, соопшти јужнокорејската војска.
Јужнокорејската војска привела севернокорејски војник. Се вели дека војникот изразил желба да се пресели во Јужна Кореја. Ова е прв пријавен случај на пребегнување на севернокорејски војник откако еден наредник пребегнал во Јужна Кореја во август минатата година.
Не е вообичаено Севернокорејците да пребегнуваат преку копнената граница што ги дели двете Кореи. И покрај официјалното име, Демилитаризираната зона, граница долга 248 км и широка 4 км, е чувана од мини, тенковски стапици, бодликава жица и борбени трупи.
Во 2017 година, кога севернокорејски војник претрчал преку границата додека бегал, севернокорејските војници испукале околу 40 куршуми пред јужнокорејските војници да успеат да го одвлечат ранетиот војник на безбедно. Огромното мнозинство од околу 34.000 Севернокорејци кои избегале во Јужна Кореја од крајот на Корејската војна 1950-1953 година дошле преку Кина, која дели долга и порозна граница со Северна Кореја.
Односите меѓу двете Кореи остануваат затегнати, при што Северна Кореја постојано ја отфрла интервенцијата на либералниот јужнокорејски претседател Ли Џе-мјунг, кој ја презеде функцијата во јуни, ветувајќи дека ќе ги подобри односите меѓу земјите.
фото: принтскрин