Свет
Конфузија во Јапонија, над пет илјади загинати

Конфузијата предизвикана од катастрофалниот земјотрес и цунамито се шири масовно денеска во Јапонија,
Конфузијата предизвикана од катастрофалниот земјотрес и цунамито се шири масовно денеска во Јапонија, откако во земјотресот оштетената нуклеарка „Фукушима“ експлодира уште еден реактор, што предизвика парализирање на областа Канто во околината на Токио по најавите на Tokyo Electric Power Co. дека ќе преземе рационализирање на потрошувачката на струјата.Бројот на загинатите и оние кои сè уште се водат за исчезнати по петочниот земјотрес со магнитуда 9.0 степени по Рихтер, достигна пет илјади од кои околу две илјади беа пронајдени денеска на две плажи во префектурата Мијаги, додека полицијата соопшти дека пронашла уште 200 до 300 тела во близина на градот Сендаи, административниот центар на префектурата Мијаги, јавува јапонската новинска агенција Кјодо (Kyodo) .Од две илјади, околу илјада се забележани во близина на градот Минаминсарику каде што префектурните власти сè уште не можат да контактираат со околу 10 илјади луѓе, повеќе од половината од локалното население.Само во префектурата Мијаги вкупно 785 тела биле извлечени до пладне по локално време во понеделникот, изјави за агенцијата претставник на локалната полиција, додека централната влада продолжува со напорите да се евидентираат целосните размери на катастрофата. Во градот Отцуши, во префектурата Ивате, сè уште е неизвесна судбината на околу осум илјади жители.Вчера околу 450 илјади луѓе беа евакуирани во Мијаги и уште пет други јапонски префектури, но во местата каде што се евакуирани се чувствува недостиг од храна и гориво, поради што јапонската влада донесе одлука за воспоставување воздушен мост за достава на резерви којшто го одржуваат хеликоптерски јапонските одбранбени сили.Агенцијата за менаџирање со природни катастрофи соопшти дека бројот на објекти кои се целосно или делумно уништени достигна 63.255. /крај/кјодо/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Mерц: Русија ги загрози човечките животи во земја-членка на НАТО

Германскиот канцелар Фридрих Мерц остро го осуди нарушувањето на полскиот воздушен простор со борбени беспилотни летала и ја осуди Русија за провокации.
„Русија се закани со човечки животи во земја која е членка на Европската Унија и НАТО“, објави Фридрих Мерц.
Канцеларот изјави дека денешната „неодговорна акција“ е уште една во долгата низа провокации во балтичкиот регион и источното крило на НАТО.
„Германија остро ја осудува оваа агресивна руска акција“, се вели во соопштението за медиумите.
Мерц верува дека е добро што Полска и партнерите од НАТО брзо ја забележаа, реагираа и ја отстранија опасноста.
„НАТО е и останува подготвен да се брани“, заклучи Мерц.
Пред тоа, германскиот министер за одбрана Борис Писториус објасни во Бундестагот дека нема причина да се верува дека станува збор за грешка во управувањето со беспилотните летала.
Свет
Германскиoт министер за одбрана: Упадот на руски беспилотни летала во Полска не е грешка

Германскиот министер за одбрана Борис Писториус изјави дека руските беспилотни летала што влегле во полскиот воздушен простор биле „јасно насочени на тој начин“.
Писториус ја отфрла можноста за случајна грешка.
Одговарајќи на прашања од пратениците во Бундестагот во Берлин, Писториус рече: „Нема причина да се сомневаме дека станува збор за корекција на курсот, грешка или нешто слично“.
Тој нагласи дека ова покажува како тие се „постојано изложени на закани од провокации“ од руските сили – во Балтикот од морето, а за Централна Европа преку „хибридни напади“ или летови како овие дронови.
Свет
Поплави на Бали, најмалку девет лица загинаа

Поплавите на индонезискиот остров Бали оваа недела убија најмалку девет лица, ги блокираа главните патишта во главниот град и го нарушија животот во прометната туристичка дестинација, соопштија денес официјални лица.
Силните дождови помеѓу вторник вечерта и среда предизвикаа големи поплави и убија пет лица во главниот град на Бали, Денпасар, изјави Абдул Мухари, портпарол на државната агенција за природни катастрофи.
Уште четири лица загинаа во регионите Џембрана, Џијањар и Бадунг, додаде Мухари. Две лица сè уште се водат како исчезнати.
Од 600 жители погодени од поплавите, речиси 200 се евакуирани од своите домови во училишта и џамии бидејќи нивните куќи се сè уште поплавени, соопшти агенцијата.
И. Њоман Сидакарја, раководител на агенцијата за пребарување и спасување на островот, изјави дека поплавите уништиле две згради во Денпасар и додаде дека пристапот до меѓународниот аеродром, кој се наоѓа недалеку од Денпасар, е ограничен бидејќи по патиштата можат да се движат само камиони.
Индонезискиот претседател Прабово Субианто изрази сочувство и му нареди на раководителот на националната агенција за катастрофи да отпатува на Бали за да ги води итни интервенции таму и да ги гарантира основните потреби на населението.