Бројот на жртвите од разорниот земјотрес и цунамито кои во петокот ја погодија Јапонија ја надмина бројката од 10.000, соопшти денеска јапонската Национална полициска агенција, истакнувајќи дека во овој биланс се пресметани и потврдени и смртните случаи и лицата кои се водат како исчезнати.

Бројот на жртвите од разорниот земјотрес и цунамито кои во петокот ја погодија Јапонија ја надмина бројката од 10.000, соопшти денеска јапонската Национална полициска агенција, истакнувајќи дека во овој биланс се пресметани и потврдени и смртните случаи и лицата кои се водат како исчезнати.

Агенцијата досега идентификувала 1.060 тела, од кои 420 се предадени на семејствата, јавува јапонската новинска агенција Кјодо.

Во меѓувреме, градските власти во Токио соопштија дека по новите експлозии и пожари во нуклеарната електрана Фукушима, нивото на радиоактивното зрачење во престолнината денеска било 10 пати поголемо од нормалното, но дека не постои опасност по здравјето на луѓето.

Досега се спасени околу 25.000 луѓе, а од 10.000 лица во префектурата Мијаги, со која локалните власти изгубија секаков контакт, потврдено е дека 2.000 се преживеани.

Во повеќе од 2.500 засолништа ширум земјата, се сместени околу 520.000 луѓе, а еден од главните предизвици е како да им се достават основните животни намирници на преживеаните, вклучувајќи храна, ќебиња, гас и лекови.

Покрај тоа, властите во Јапонија соопштиле дека бројот на зградите што се потполно или делумно уништени се зголеми на 72.945.

Светската метеоролошка организација соопшти денеска дека ветровите ги разнесуваат радиоактивните материи од оштетената јапонска нуклеарна електрана Фукушима кон Пацификот.

Оваа агенција на Обединетите нации, предупреди дека иако ветровите ги носат радиоактивните материи подалеку од брегот на Јапонија и другите азиски земји, временските услови би можеле да се променат и дека поради тоа со внимание ќе се пратат сателитските податоци./крај/блиц/фф