Свет
Спротиставени тврдења за судбината на либискиот град Мисрата
Либиската државна телевизија соопшти дека валдините сили го зазеле источниот град Мисрата, додека бунтовниците негираат
Овие информации се лиферуваат неколку часа пред гласањето на Советот за безбедност на Обединетите нации во врска со воспоставуање зона на забранети летови која би требало да ги штити цивилите и бунтовниците од воздушни напади од страна на Моамер ел-Гадафи, јавуваат агенциите.Синот на Гадафи, Саиф aл-Ислам, најави дека во рамките на големата офанзива на режимот во рок од 48 часа ќе ги вратат сите упоришта што ги завземале бунтовниците, а прв ќе биде половинамилионскиот град Мисрата на патот кон Бенгази, каде почна и побуната против диктаторскиот режим.„Вооружените сили ја превзедоа Мисрата и сега го стерилизираат од криминални вооружени банди“, објави државната телевизија, но тројца жители за Reuters ги негирале овие тврдења.„ТВ лаже и во Мисрата е мирно нема звуци на никакво бомбардирање“ велат жителите.Додека на либиското тло судирите стануваат се покрвави, меѓународната заедница со недели се двоуми да прогласи зона на забрана на летови. Помошникот либиски амбасадор при ОН Ибрахим Дабаши кој побегна со бунтовниците, драматично повика тоа да се направи во рок од 10 часа за да се спречи вистински геноцид.Сателитската телевизија Al Arabia јави дека силите на Гадафи убиле најмалку 30 жени, деца и старци источно од Аџдабија, последното бунтовничко упориште на 160 километри од Бенгази.Продорот на режимските сили поттикна нов бегалски бран кон египетската граница. Речиси 300 илјади луѓе избегаа од почетокот на војната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.