Институтот „Руѓер Бошковиќ“ потврди дека, покрај бразилскиот, њујоршкиот, британскиот и јужноафриканскиот вид на коронавирус, во Хрватска се појавил и чешкиот.

Кристијан Влаховишек, професор по компјутерска биологија на Факултетот за науки во Загреб, го потврди тоа за порталот ХРТ.

Тој рече дека уште во февруари од 70 примероци, претежно од КБ Дубрава, и во соработка со проф. Вранеш од НЗЈЗ „Д-р Андрија Штампар“ го изолирале чешкиот сој кај 20 проценти од примероците.

„Чешкиот сој е комбинација на мутации од шкотска и британска варијанта на коронавирус. Бидејќи има голем пораст на бројот на заразени луѓе во Чешка и Словачка, тие ја пријавија оваа нова мутација во САРС-CoV-2 виру “, рече проф. Влаховишек.

Тој нагласува дека не се знае многу за заразноста на чешкиот вид, но дека во секој случај треба да се биде внимателен, да се следи растот на овие варијанти на вирусот и да се следат и веднаш да се изолираат заразените лица, пред тие да се прошират во населението.

Тинејџер на возраст од 17 години, од австралиската држава Квинсленд, почина од убод на медуза, што е прва смрт во таа земја од ова подводно животно по цели 14 години.

Момчето пливало кога на него наишла медуза позната као морска оса, која се смета за најотровната медуза и едно од најопасните морски животни, објави австралискиот сајт „7њуз“.

Несреќата се случила на 22 февруари, итната помош пристигнала брзо, го интубирала тинејџерот, кој потоа со хеликоптер бил пренесен во болница, на оддел за интензивна нега.

Полицијата во Квинсленд денес потврди дека момчето починало во понеделникот.

Откако почнале да се бележат нападите на морската оса, од 1880 година во Австралија се забележани најмалку 70 смртни случаи, но смртта на момчето е прва во последните 14 години.

Претходниот пат, настрада шестгодишно дете, кога во 2007 година го нападнала медуза во Северната територија на Австралија.

Мoдифицирани вакцини кои треба да обезбедат заштита од нови варијанти на коронавирус ќе бидат одобрени по итна постапка, објавија регулаторните тела на петте земји кои се приклучија на конзорциумот ACCESS.

Конзорциумот ја вклучува Агенцијата за регулирање на лекови и здравство во Велика Британија (МХРА) и слични регулаторни тела во Австралија, Канада, Сингапур и Швајцарија.

Со договорот меѓу петте земји ќе се избегнат долги клинички испитувања за одобрени вакцини кои ќе се прилагодат на новите варијанти на коронавирусот во иднина, сè додека производителот може да обезбеди цврст доказ за ефикасноста и безбедноста, се вели во документот.

„Наш приоритет е да и понудиме на јавноста ефективни вакцини во најкус можен рок, под услов да останат безбедни“, рече Кристијан Шнајдер, раководител на истражување во МХРА.

Тој истакна дека јавноста не треба да се грижи, бидејќи ниту една вакцина нема да биде одобрена доколку не е доволно безбедна за употреба, ефективна и квалитетна.

Здравствените експерти се загрижени дека новите варијанти на коронавирусот, вклучително и бразилскиот, се поотпорни на постојните вакцини, загрозувајќи ги плановите на голем број земји за укинување на строгите ограничувачки мерки.