Либиските власти почнаа да им делат оружје од воените магацини на цивилното население и до сега се поделени преку еден милион парчиња оружје

Либиските власти почнаа да  им делат оружје од воените магацини на цивилното население и до сега се поделени преку еден милион парчиња оружје, како одговор на нападот од западните сојузници, соопшти либискиот лидер Моамер Гадафи во своето денешно радио обраќање до нацијатаТој во своето обраќање истакна дека воздушните напади се „војна без преседан“, но дека либискиот народ „нема да се предаде“. Тој истакна дека властите ќе ги елиминираат сите оние кои соработуваат со странските агресори. „Ова е нова крстоносна војна, без преседан според предавничкиот карактер. Сите предавници кои ќе соработуваат ќе бидат веднаш елиминирани“, вели Гадафи.Тој исто така истакна дека Либија се подготвува за долга војна со странските агресори и дека Либијците немаат каде да се повлечат и затоа ќе се борат до самиот крај.„Ако сите мажи загинат, тогаш жените ќе го земат оружјето в рака“, тврди Гадафи. /крај/риа/сс/