Силите на меѓународната коалиција рано утрово ги нападнале радарските системи во две бази на противавионската одбрана на Либија во источниот дел од земјата, јавува катарската сателитска телевизија Ал Џазира.

Силите на меѓународната коалиција рано утрово ги нападнале радарските системи во две бази на противавионската одбрана на Либија во источниот дел од земјата, јавува катарската сателитска телевизија Ал Џазира.Како што јави телевизијата, нападнатите бази се наоѓаат источно од бунтовничкото упориште Бенгази, но нема потврда од страна на коалициските сили.Портпаролот на француската армија изјавил дека француските борбени авиони во ноќта од понеделник кон вторник не извршувале никакви летови над Либија, иако изминатите денови тие беа најактивни во бомбардирањето на позициите на силите лојални на либискиот водач полковникот Моамер ел-Гадафи.Светските новински агенции јавуваат и за ситуацијата во главниот град Триполи каде во понеделникот доцна навечер одекнувале експлозии и се слушале истрели од дејствувањето на противвоздушната одбрана. Либиската државна телевизија соопшти дека во престолнината биле нападнати неколку цели, додека западните сили се’ уште не ги потврдуваат новите напади извршени во рамките на мисијата предводена од Обединетите нации во зел да се обезбеди зона на забранети летови и заштита на цивилите од нападите на силите на Гадафи.Ројтерс јавува дека бунтовниците кои почнале да се враќаат кон нивното главно источно упориште Бенгази, сториле многу малку да ги ефектуираат интервенциите на меѓународната коалиција, што според аналитичарите навестува дека либискиот судир може да заврши во пат позиција.Истовремено официјален Вашингтон, според Ројтерс, изрази стравување дека би можел да биде вовлечен во уште една долготрајна војна како што се во Ирак и во Авганистан, ако се реши за уривање на режимот на Гадафи иако неговиот сојузник од Париз официјално во понеделник тврдеше дека се надева дека сепак либиските власти ќе бидат соборени однатре./крај/ро/сн