Во голема координирана операција спроведена рано утрово, германската полиција изврши претреси во Берлин и сојузната држава Бранденбург, како дел од истрагата на организација забранета за наводни врски со исламски екстремизам.

Околу 800 полицајци, вклучително и специјалци, учествуваа во операцијата, во која се претресуваа станови поврзани со членови на таа организација, изјавија германските власти.

Главната цел на рациите, како што информираат надлежните е да се добијат докази, а засега нема пријавено апсења.

Властите во Берлин соопштија дека дополнителни детали ќе бидат објавени подоцна денеска на прес-конференција.

Германското сојузно обвинителство покрена обвинение против германски државјанин кој е обвинет за шпионажа во корист на руската разузнавачка служба. Обвинителството го товари за предавање на плановите на зградата на Бундестагот, пренесува „Ројтерс“.

Јенс Ф, наводно, собирал податоци од компјутери кои содржеле планови за зградата на Бундестагот, каде што ја одржувал електрична опрема во тамошните канцеларии, рече федералниот обвинител.

Обвинителството објави дека во втората половина на 2017 година, тој одлучил собраните датотеки да ги пренесе на руските разузнавачи и дека податоците ги испратил до службеник во руската амбасада, кој работел за руската разузнавачка агенција ГРУ, пренесува „Ројтерс“.

Црногорската полиција уапси инструктор во локална автошкола во Плевља, кој го затекнале пијан за време на час по возење, пренесуваат локалните медиуми.

Според полицијата, инструкторот К.К. бил изведен пред судија за прекршоци бидејќи алко-тест утврдил дека има 1,7 промили алкохол во крвта, додека давал упатства за возење на 20-годишник.

Да бидат работите уште полоши, полицијата го тестирала инструкторот околу пладне.

„На 22 февруари 2021 година, околу 11:55 часот, при редовна контрола во сообраќајот, било сопрено возило во сопственост на автошкола од Плевља со кое управувал кандидатот за возач Г.Н. (2000). К.К. (1956) бил во возилото како инструктор за возење. Вработениот во автошколата бил тестиран за алкохол и било откриено дека е под дејство на алкохол во организмот, во концентрација од 1,7 промили. Тој бил приведен и однесен во прекршочниот суд“, соопшти полицијата.