Приклучена е струјата на сите реактори во нуклеарната електрана Фукушима, соопшти компанијата ТЕПКО.

Приклучена е струјата на сите реактори во нуклеарната електрана Фукушима, соопшти компанијата ТЕПКО.

Потпретседателот на оваа компанија Сакае Муто предупредува дека кризата сè уште не е завршена, но верува дека по овој успех ситуацијата ќе почне позитивно да се развива.

„Сè уште е прерано да се каже дека работите во целост се стабилизирани“, рече Муто.

Јапонците се надеваат дека системот за ладење наскоро ќе биде во функција.

На работниците во нуклеарката значително би им помогнало воведувањето на осветлување во контролната соба на реакторот 3.

Портпаролот на владината Агенција за нуклеарна безбедност Хидехико Нишијама на прес конференција соопшти дека наскоро ќе стане јасно дали моменталните мерки се доволни за крај на кризата, пренесува агенцијата Кјодо.

Нишијама оптимистички најави дека сега топењето на јадрото на реакторот повеќе не е веројатно.

Пред само неколку часа од реакторите 2 и 3 избиваше радиоактивна пареа, а температурата сериозно се доближи до точката на вриење. Се создаде опасност од испарување на сета вода од базенот во кој се чуваат прачките со истрошено нуклеарно гориво, по што тешко би било да се избегне катастрофа од поголеми размери.

Бројот на загинати во страотниот земјотрес на 11. март во Јапонија достигна 9.080, додека бројот на исчезнати порасна на 13.561, информираше денеска Националната полициска агенција, со што бројот на загинати ја надмина бројката од 22.000.

Во Јапонија денеска во масовни гробници се закопани стотици жртви од земјотресот и цунамито. /крај/ин/ст