Италијанскиот премиер Силвио Берлускони денеска оцени дека е премногу рано за преговори во врска со конфликтот во Либија, затоа што либискиот лидер Моамер Гадафи уште мисли дека може да победи.

Италијанскиот премиер Силвио Берлускони денеска оцени дека е премногу рано за преговори во врска со конфликтот во Либија, затоа што либискиот лидер Моамер Гадафи уште мисли дека може да победи.„Во овој момент никој не може ништо да каже за сигурноста за тоа прашање и должината на мисијата. Ми се чини дека сè уште не е созреан моментот за преговори. Рускиот премиер, Владимир Путин, истото го мисли. Гадафи уште мисли дека може да победи бидејќи целосно ја контролира престолнината Триполи“, изјави Берлускони за денешниот дневник „Кориере дела сера“.Меѓународната заедница сака да издејствува кај либискиот лидер „вистински прекин на огнот“, додаде италијанскиот премиер, чија земја учествува во меѓународната коалиција против Либија.„Крајот на непријателството е услов без кој не може да има никакво посредување, а потоа можеме да ја отвориме фазата на дипломатија“, изјави Берлускони.Италија ставила на располагање седум бази за интервенција против Гадафи и ангажирала осум воени авиони, но Берлускони истакна дека земјата не е во војна со Либија.„Коалицијата е ангажирана во одбрана на цивилното население, Италија не влезе во војна и не ни сака да влезе“, додаде Берлускони.Берлускони повторно се изјасни за единствена команда под водство на НАТО, што дава „извесен отпор“ само на Франција.Меѓународната коалиција предводена од Велика Британија, Франција и САД во саботата започна воена интервенција во Либија, со цел да се осигура зоната за забрана на летање над таа земја и да ја спречи, како што е наведено, репресијата на силите на Гадафи над цивилите./крај/бе/пк