Свет
Нова напад на колициските сили врз Триполи
Колаициските сили во саботата наутро извршија уште едн асерија напади врз цели во близината Триполи, како и врз градот Злитен источно од либиската престолнина и регионот Ел-Ватија на запад од земјата, соопшти либиската стателиткса телевизија „Ал-Џамахирија“
Во предградието на Триполи цел на коалициските напади била областа Тажура. Локалните жители слушнале експлозии во близина на воените инсталации, кои во Тажура се во близина на насаелени места а последните денови се цел на бомбардирањето на воздушните сили на западната коалиција.Воздушни напади биле извршени и врз градот Злитен 50 километри западно од градот Мисрата којшто е контролиран од бунтовниците и областа Ел-Ватија во која е сместена голема воена база на силите лојални на либискиот водач Моамер ел-Гадафи. Либија веќе неколку дена е изложена на жестоки ракетни и воздушен напад од страна на силите на западната коалиција, во која се вклучени Велика Британија, Франција, САД, Канада, Белгија, Италија, Шпанија и Данска. Западни политичари велат дека на таков начин ќе ги заштитат либиските цивили од самоволието на припадниците на безбедносните сили и војниците лојални на Гадафи. Официјален Триполи соопшти за десетици цивилни жртви, особено во главниот град, во неколкудневните бомбардирања врз населбата Тажура. Покрај тоа, значителна штета била предизвикана и на воена инфраструктура. Либискиот бунтовници го искористија ситуацијата, дејствувајќи главно во источниот дел, што се интензивираа борбата да ја преземат контролата на нови градови. И војската лојална на Гадафи продолжува со нејзините напади врз востаничките позиции. Вчера либискиот режим изрази подготвеност да го прифати планот на Африканската унија кој нуди прекин на судирите и отворање на дијалог меѓу Либијците како претходници на демократската транзиција. Како што се ближи самитот предвиден за во вторник во Лондон, францускиот претседател, Николас Саркози, најави француско-британска иницијатива за политичко решавање на судирот, за да покаже дека решението би можело да биде само воено. Во текот на последните часови, ловците-бомбардери на коалицијата воделе напади на Аџдабија, каде се наоѓаат војниците на страната на Гадафи. Искористувајќи ја поддршката, бунтовниците презедоа офанзива и продреа во тоа стратешко место, 160 километри јужно од Бенгази, упориштето на бунтовниците. Приврзаниците на Гадафи во петокот продолжија да го бомбардираат Мисрат, 200 километри источно од Триполи, рече сведок и истакна дека се убиени една мајка и нејзините четири деца. Во четвртокот лекар од болницата во Мисрта утврди дека има 109 мртви и 1.300 ранети за една недела. САД соопшти дека исптрелал 16 крстосувачки ракето “томахавк“ врз либиските вели во текот на последните 24 часа. Коалициските авиони извеле 153 полетувања, од кои 67 американски и 86 на земјите членки на коалицијата. Полковникот Гадафи, кој e на власт е скоро 42 години, од 15 февруари се соочува со бунт во кој загинаа повеќе стотици лица, а 300. илјади беа принудени да избегаат. Во петокот полковникот Гадафи соопшти дека ги унапредува сите припадници на своите вооружени сили, поради нивните херојски борби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

