Претседателот на Сирија, Башар Асад денеска ги повлече полицијата и војската од улиците во градовите на југот од земјата во обид да ги смири демонстрациите, во кои десетици луѓе настрадаа минатата недела.

Претседателот на Сирија, Башар Асад денеска ги повлече полицијата и војската од улиците во градовите на југот од земјата во обид да ги смири демонстрациите, во кои десетици луѓе настрадаа минатата недела.

Еден од жителите на Дараа во телефонски разговор за агенцијата АП, рекол дека безбедносните сили биле повлечени од предградијата каде демонстрантите бараат пуштање на млади активисти кои се уапсени поради испишување антивладини графити, што предизвика протести. Владините сили во повеќе наврати отворија оган врз демонстрантите.

Протестите и судирите вчера се ширеа низ Сирија, а очевидците потврдија дека најмалку 15 лица во текот на денот загинале во повеќе градови во земјата.

Очевидецот од Дараа рекол дека повеќе од илјада луѓе учествувале на протестите со седење пред Ал Омари џамијата која служи како упориште на демонстрантите и како полска болница.

Судирите во овој град ескалираа кога демонстрантите се обидоа да ги соборат статуите на поранешниот претседател Хафез Асад по што го искинаа и големото пано со ликот на Башар Асад, кој е моментално претседател и си на Хафез./крај/бета/фф