Европската комисија во март ќе претстави предлог за дигитални пасоши за вакцинација против Ковид-19, што може да биде еден од условите за слободно патување низ Европската Унија, изјави претседателката на Европската комисија, Урсула фон дер Лајен.

„Што се однесува до тоа како може да изгледаат дигиталните „зелени“ пасоши, ќе размислиме. Ќе претставиме предлог-закон како би можел да изгледа”, рече Фон дер Лајен за време на видеоповик со германските конзервативни пратеници.

Лидерите на Европската Унија во петокот го поддржаа воведувањето дигитални сертификати за влез во земјите членки и отворањето на општеството по пандемијата.

Десетици демонстранти се повредени во насилните антивладини протести во Тајланд, објави Брза помош.

Полицијата потврди дека испукале гумени куршуми, првпат откако почнале протестите минатата година.

As Myanmar military cracks down on protests, Thai protesters who complain of decades of military and royal domination in Thailand are also in the streets. #WhatsHappeningInThailand #MilkTeaAlliance #ม็อบ28กุมภา pic.twitter.com/3IAwO3nsCZ

— Matthew Tostevin (@TostevinM) February 28, 2021

Судирите избија во неделата, а полицијата употреби солзавец и водени топови против демонстрантите кои маршираа кон воената база во Бангкок, барајќи од кралот Махе Вајиралонгкорн да престане да и издава директни наредби на армијата, објави „Ројтерс“.

Yes, this is Thailand and what you see is what the Thai police do to the people.#ม็อบ28กุมภา#WhatsHappeningInThailandpic.twitter.com/pi3vgQVRpS

— คุณจีซอง💞ft.หม่ามิ๊น้องโช (@nct_jisung2002) February 28, 2021

Демонстрантите фрлале шишиња кон полициските барикади.

„Ние користевме гумени куршуми за прв пат. Беше потребно да се запре насилството”, изјави началникот на полицијата во Бангкок, Пакапонг Понгпетра.

Младинското политичко движење бара оставка од премиерот Прајут Чан-Оче и бара реформа на владата на монархијата.

Директорот на сојузната Криминалистичка служба на Австрија предупредува дека организирани криминални банди од Балканот и Источна Европа веќе се подготвуваат за отворањето на границите.

Генералот Андреас Холцер, поранешен шеф на специјалната единица што се занимаваше со корупциската афера „Ибица“, во интервју за виенскиот дневен весник „Кронен цајтунг“ посочува дека фокусот на неговата работа ќе биде борбата против компјутерскиот криминал.

Тој најави двојно зголемување на службениците во специјализираното одделение што ќе се занимава со гонење на компјутерски криминал.

„Добрата истрага е уметност. Покрај вообичаените активности, како што се тајна истрага и набљудување, сакам да ја вклучам стручноста на науката и помошта на надворешни експерти од универзитетите”, нагласи Холцер.

Кога станува збор за моменталната безбедносна состојба во Австрија, тој вели дека пандемијата и добрата полициска работа го запреле криминалот против имотот.

„Сепак, организираните банди од Балканот и Источна Европа веќе се подготвуваат за отворање на границите и за ‘афтер корона забава’“, подвлече Холцер.