Плутониум истекува од оштетената нуклеарна централа Фукушима 1 и е откриен во нејзината околина, соопштија утрово јапонските власти.

Плутониум истекува од оштетената нуклеарна централа Фукушима 1 и е откриен во нејзината околина, соопштија утрово јапонските власти.

Плутониумот е откриен во мали количини на неколку точки во непосредна близина на Фукушима 1 и ова е прв пат овој исклучиво опасен радиоактивен елемент да се појавува меѓу истечените материјали по катастрофалното цунами кое тешко ја оштети централата.

Ваквиот развој на случувањата дополнително ги комплицира напорите прегреаните реактори да се оладат и стабилизираат.

Јапонските власти тврдат дека истечената количина на плутониум не претставува ризик по човечкото здравје но им се придружува на сомневањата дека опасно радиоактивна вода истекува од оштетените нуклеарни горива.

„Ситуацијата е доста сериозна. Даваме се од себе за да се избориме со штетата“ рече денеска портпаролот на јапонската влада Јукуи Едано.

Од пет примероци кои се земени од околината на Фукушима 1, а кои содржат плутониум, за два се чини дека се контаминирани од истекувањето на реакторот, соопшти компанијата Токио електрик, која управува со централата.

Кај преостанатите три примероци веројатно се работи за плутониум кој се раширил по многу места на светот во времето кога беа дозволени надземни проби на нуклеарно оружје, се додава во соопштението.

Плутониумот е тежок елемент кој не се соединува така лесно со други хемиски елементи, па е малку веројатно да се рашири лесно, како што е тоа случај со радиоактивните облици на цезиум и јод.

Но, плутониумот има доста долг период на распаѓање, и по неколку стотина години, а кога ќе се вдиши, останува во телото засекогаш и може да ја оштети човечката ДНК и да предизвика канцерогени мутации на клетките.

Фукушима 1 се наоѓа на 220 километри североисточно од Токио и се верува дека по 11-ти март, кога со цунамито се наруши системот на ладење во три од вкупно шест реактори.Радијацијата од централата продре во земјата и најдена е во растенијата, суровото млеко, па дури и во водата за пиење во Токио.

Населението кое живее во кругот од 20 километри околу Фукушима 1 е наложено му е наложено или да се отсели или да остане во куќите./крај/бета/фф